2021-12-14 15:45
Информагентства
0
Թաթոյանը Գերմանիայի ԱԳՆ-ի պաշտոնյային ու դեսպանին է ներկայացրել սահմանային իրավիճակը
ՀՀ մարդու իրավունքների պաշտպան Արման Թաթոյանն այսօր Գերմանիայի Դաշնային Հանրապետության ԱԳՆ Արևելյան Եվրոպայի, Կովկասի և Կենտրոնական Ասիայի երկրների հարցերով քաղաքական տնօրեն Մաթիաս Լյութենբերգին ու Հայաստանում Գերմանիայի արտակարգ և լիազոր դեսպան Վիկտոր Ռիխտերին կոնկրետ օրինակներով ու փաստերով ներկայացրել է ադրբեջանական զինված ծառայողների կողմից Հայաստանի սահմանային բնակիչների իրավունքների խախտումները, հայտնում են ՄԻՊ գրասենյակից:
Թաթոյանը պատմել է, որ 2020թ. նոյեմբերից սկսած ադրբեջանական զինված ծառայողները նոր պատերազմի սպառնալիքի ներքո՝ առանց որևէ հիմքի Գեղարքունիքում և Սյունիքում հայտնվել են գյուղերի հարևանությամբ և Սյունիքի համայնքների միջև ճանապարհներին: Բացի այն, որ տեղի են ունենում մարդու իրավունքների խախտումներ գրեթե ամեն օր, ադրբեջանական զինված ծառայողներն անօրինական արգելափակել են Սյունիքում Գորիս-Կապան և Կապան-Ճակատեն ճանապարհները: Արդյունքում՝ ճանապարհներին հարակից գյուղերը հայտնվել են մեկուսացման և հումանիտար խնդիրների առաջ:
«Այլընտրանքային ճանապարհը լուծում չէ, քանի որ ապահովված չէ մարդկանց անվտանգությունն ու կյանքի իրավունքը. ադրբեջանական զինված ծառայողները շարունակում են դիտարկման ներքո պահել քաղաքացիական բնակիչներին, տները»,–ասել է ՀՀ ՄԻՊ–ը:
Արման Թաթոյանը շեշտել է, որ նրանք պետք է հեռանան հայկական գյուղերի, շատ դեպքերում մարդկանց տների մոտից ու ճանապարհներից, պետք է ստեղծվի անվտանգության ապառազմականացված գոտի:
Նա ընդգծել է, որ այս ամենին ավելանում է ադրբեջանական իշխանությունների հայատյացության հովանավորչության ու թշնամանքի քարոզի քաղաքականությունը:
ՀՀ մարդու իրավունքների պաշտպանը նաև մանրամասն անդրադարձել է հայ գերիների ազատ արձակմանը, հայրենիք նրանց վերադարձի հրատապությանը, որոնք ապօրինաբար են պահվում Ադրբեջանում:
Հանդիպմանը քննարկվել են նաև դատական համակարգում առկա խնդիրները, Արման Թաթոյանը շեշտել է, որ կան առանձին դատավորներ, որոնք իրենց պահվածքով վնասում են դատական համակարգի հեղինակությունը: Չնայած սրան, խնդիրների լուծմանը պետք է հասնել իրավական ճանապարհով՝ խրախուսելով օրինապահ ու անկախ դատավորներին։
Կանանց իրավունքների պաշտպանության, ընտանիքում բռնության կանխարգելման հարցերը ևս դարձել են հանդիպման մանրամասն քննարկման առարկա, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2024-06-03 09:36Наводнение в Лорийской и Тавушской областях могло бы нанести гораздо меньше ущерба, если бы в прибрежных зонах заблаговременно принимались превентивные меры. Об этом в интервью Sputnik Армения заявил бывший начальник Национального центра кризисного управления МЧС полковник Ованнес ХАНГЕЛЬДЯН. Он уверен, что мониторинг рек на предмет возможных наводнений проводился недостаточно эффективно, и это, считает эксперт, - главное упущение правительства. Хангельдян подчеркнул, что местные органы самоуправления не справились со своими обязанностями.
-
New2024-06-03 09:17Армянский национальный комитет Америки (ANCA, вашингтонский комитет «Ай Дата») призывает администрацию США предоставить народу Арцаха помощь в размере $200 млн, а также ввести санкции против властей Азербайджана, сообщила Armenia Today пресс-секретарь ANCA Элизабет Чулджян. Она отметила, что в ближайшие две недели Палата представителей и Сенат Конгресса США начнут обсуждение законопроекта о внешней помощи на 2025 год, и ANCA работает над представлением соответствующей резолюции.
-
New2024-06-03 06:38В рамках рабочего визита в Украину руководитель административного района Нор Норк передал мэру Киева Виталию Кличко официальное приглашение от имени мэра Еревана Тиграна Авиняна посетить столицу Армении.
-
New2024-06-03 06:343 июня, в 10:00, я отправлюсь в Следственный комитет РА. Об этом во во дворе церкви Святой Анны заявил архиепископ Баграт Галстанян.
