2021-12-14 17:00
Информагентства
Նարեկ Սամսոնյանը ձերբակալվել է Դավիթ Խաժակյանի հաղորդման հիման վրա (ՏԵՍԱՆՅՈՒԹ)
«Քաղաքացիական գիտակցություն» ՀԿ-ի նախագահ Նարեկ Սամսոնյանը քննիչի որոշմամբ ձերբակալվել է. նրա դեմ հաղորդում է ներկայացրել «Լուսավոր Հայաստան» կուսակցության անդամ Դավիթ Խաժակյանը։ Այս մասին այսօր՝ դեկտեմբերի 14-ին, լրագրողների հետ զրույցում ասաց Սամսոնյանի փաստաբան Ռուբեն Մելիքյանը, տեղեկացնում է News.am-ը։
Նշենք, որ այսօր Նարեկ Սամսոնյանին մի խումբ ոստիկաններ բերման են ենթարկել իր տան բակից։
Նարեկ Սամսոնյանը ձերբակալվել է ՀՀ ՔՕ 137.1-րդ հոդվածով՝ ծանր վիրավորանքի հատկանիշներով հարուցված քրեական գործի շրջանակներում։ Քրեական գործը վերաբերում է հեռուստահաղորդման ընթացքում Սամսոնյանի կողմից որոշակի արտահայտություններ կատարելուն, որը, դիտարկելով որպես ծանր վիրավորանք, հաղորդում է ներկայացվել։
«Մենք Հայաստանում ունենք առաջին դեպքը, երբ այս հանցակազմով, որը բազմիցս քննադատվել է թե՛ միջազգային գործընկերների կողմից, թե՛ իրավապաշտպանների, թե՛ քաղաքական ուժերի կողմից, եթե չեմ սխալվում նաև ԼՀԿ-ն էր դեմ քվեարկել այս արարքը քրեականացնելուն, հիմա ԼՀԿ-ի ներկայացուցչի դիմումի հիման վրա Նարեկ Սամսոնյանը ձերբակալվեց։ ՀՀ քրեական դատավարության օրենսգրքով կան դրա համար ֆորմալ խոչընդոտներ։ Մենք կներկայացնենք այդ ֆորմալ խոչընդոտները, կտեսնենք քննիչի գործողությունները։ Սա քաղաքական ընդդիմախոսների դեմ օգտագործման համար նախատեսված երևույթ է, որը հիմա շատ մեծ թափով կիրառվում է»,- ասաց Մելիքյանը։
Նա նշեց, որ այդ հանցագործության համար ազատազրկում նախատեսված չէ, և, որ այդպիսի միջոցներով Սամսոնյանին բերման ենթարկելն ապօրինի է.
«Այդ եղանակն ուղղակի նիկոլական ձերբակալման երևույթն է, որի մասին նա խոսում էր տարիներ առաջ։ Փաստենք, որ Նարեկ Սամսոնյանը գալիս էր քննիչի մոտ ժամը 12։00-ին պայմանավորված էր, և նրան ձերբակալել ու բերել են քննիչի մոտ»։
ПОСЛЕДНИЕ ОТ АВТОРА
-
New2025-06-13 12:13Иранские власти сообщили Международному агентству по атомной энергии (МАГАТЭ), что ядерные объекты в Исфахане и Фордо не пострадали. Об этом заявил глава МАГАТЭ Рафаэль Гросси. Его слова приводит ТАСС.
-
New2025-06-13 12:11МИД Армении осудил атаку Израиля на Иран и призвал к немедленному прекращению боевых действий.
-
New2025-06-13 12:10Цены на нефть взлетели на 13% на фоне опасений, что конфликт может ограничить поставки.
-
New2025-06-13 11:44Военные удары израильских сил по Тегерану унесли жизни по меньшей мере шести иранских ученых-ядерщиков, сообщает Tasnim.