2021-12-15 11:17
Информагентства
0
Դավիթ ԲԱԲԱՅԱՆ. ԱԼԻԵՎԻ ՀՆՉԵՑՐԱԾ «ՄԻՋԱՆՑՔ` ՄԻՋԱՆՑՔԻ ԴԻՄԱՑ» ՄՈՏԵՑՈՒՄԸ ՄԱՐՏԱՀՐԱՎԵՐՆԵՐՈՎ Է ՀՂԻ ԵՎՐՈՊԱՅԻ ԵՎ ՌՈՒՍԱՍՏԱՆԻ ՀԱՄԱՐ
Ադրբեջանի «միջանցք` միջանցքի դիմաց» մոտեցումը լուրջ մարտահրավերներով է հղի Ռուսաստանի և Եվրոպայի համար, և դա անընդունելի է Արցախի Հանրապետության համար։ Այս մասին News.am-ի հետ զրույցում, մեկնաբանելով Ադրբեջանի նախագահի հայտարարությունները, ասաց Արցախի արտգործնախարար Դավիթ Բաբայանը։
«Ադրբեջանի դիրքորոշումը կանխատեսելի է: Մենք սպասում էինք այսպիսի մոտեցման, քանի որ այլ բան սպասել հնարավոր չէ: Ադրբեջանը նման գործողություններով փորձում է ամբողջությամբ խեղդել Արցախը: Բայց հարցը միայն Արցախում չէ. ավելի գլոբալ խաղ է գնում։ Բնականաբար` Թուրքիայի մասնակցությամբ։ Ի՞նչ է նշանակում անխոչընդոտ հաղորդակցություն Թուրքիայի և Ադրբեջանի միջև միջազգայնորեն ճանաչված Հայաստանի տարածքով։ Դա ինքնիշխանության կորուստ է տարածքների որոշակի գծերի նկատմամբ։ Այսօր մի «միջանցք» կլինի, վաղը՝ մյուսը։ Չէ՞ որ Մեղրի էլ չեն ասում, ասում են Զանգեզուրի։ Զանգեզուրում կարող է լինել մի քանի «միջանցք»: Արդեն հայտնվել է «միջանցքի» առնվազն երկու հիշատակում` երկաթգիծ Մեղրիով և ավտոճանապարհ Սիսիանով։ Այսպիսով, ի՞նչ է փորձում անել Ադրբեջանը։ Նախ՝ ամբողջությամբ մասնատել Հայաստանը։ Ստացվում է, որ Հայաստանը կորցնում է վերահսկողությունն իր տարածքի մոտ մեկ երրորդի նկատմամբ։ Սյունիքի նկատմամբ և` ոչ միայն: Դա նշանակում է, որ Հայաստանը «պոկվում» է Իրանից։ Սյունիքն ամբողջությամբ շրջափակված է՝ լրիվ անկլավային դիրքում Ադրբեջանի և Թուրքիայի կողմից, քանի որ իրականում սահման չի ունենա Հայաստանի հետ, քանի որ եթե ադրբեջանցիներն ու թուրքերն «անարգել անցնում են», վաղն այնտեղ զորքեր կմտցվեն՝ «ազատ անցում» ապահովելու համար, նախ` բեռների և ապրանքների, վաղը` զինտեխնիկայի, բանակի և այլնի։
Դա ամբողջությամբ կփոխի իրավիճակը տարածաշրջանում։ Բնականաբար, Նախիջևանը Քարվաճառի հետ կապելը Արևելյան Անդրկովկասի ամբողջական ներառում կնշանակի, քանի որ Ադրբեջանն արդեն դե ֆակտո Թուրքիայի մաս է և Թուրքիայից մեծապես կախված տարածք, և ներկայիս իմաստով Հայաստան որպես այդպիսին չի լինի։ Որովհետև Սյունիքն էլ ամբողջությամբ կկլանվի։ Էլ չեմ խոսում Արցախի մասին։ Այս ամենը խորը փոխակերպումների կհանգեցնի` նրան, որ Հյուսիսային Կովկասում, Վոլգայի տարածաշրջանում և Կենտրոնական Ասիայում սարսափելի, անկանխատեսելի գործընթացներ կսկսվեն։ Այսինքն՝ սա իրականում Էրդողանի «ճանապարհային քարտեզն է», որը նրա կողմից հնչեցվեց «Գորշ գայլեր» կազմակերպության ներկայացուցչի հետ միասին։
Լաչինի միջանցքի վրա Ադրբեջանի կողմից ցանկացած վերահսկողության սահմանում Ղարաբաղին խեղդել կնշանակի: Հետևանքը կլինի ցեղասպանությունն ու բնակչության տեղահանությունը։ Երկու ելք կմնա. կամ նորից պատերազմ կլինի, կամ Արցախում ոչ մի հայ չի մնա: Արցախի կորուստը մեխանիկորեն Զանգեզուրի, Սևանի կորուստ կնշանակի և ընդհանրապես՝ հայոց պետականության կործանում։ Սրանք այն գործընթացներն են, որոնք Ադրբեջանը և Թուրքիան փորձում են իրականացնել հաղորդակցությունների ապաշրջափակման գաղափարի համատեքստում։ Նման համատեքստում դա բնականաբար չի կարող ընդունվել։
Հուսով ենք, որ նման գործողությունները համարժեք գնահատական կստանան միջազգային հանրության կողմից։ Այդ գործողություններն ուղղված են նաև այլ երկրների՝ Ռուսաստանի և խաղաղապահ առաքելության, ռուսական պետության ամբողջականության դեմ։ Ժամանակի ընթացքում այդ սպառնալիքը կշրջվի Եվրոպայի դեմ։ Թուրքիան այժմ 1930-ականների Գերմանիայի դերում է, երբ իշխանության եկավ Հիտլերը։ Այն ժամանակ ևս շատ ուժեր սիրախաղում էին Հիտլերի հետ։ Բայց բոլորը տուժեցին։ Նույնը կլինի այս դեպքում, նույնիսկ` ավելի վատ։ Ուստի պետք է հանգիստ մոտենալ տեղի ունեցողին, խուճապի չմատնվել, կանխել Ադրբեջանի սադրանքները։ Չեմ կարծում, որ Ադրբեջանի նման արկածախնդրությունները կարող են ընդունելի լինել համաշխարհային և տարածաշրջանային առաջատար տերությունների կողմից։ Մենք ի սկզբանե հայտարարում ենք, թե ինչով է հղի նման մոտեցումը, և մեզ համար դա անընդունելի է»,- ընդգծեց Դավիթ Բաբայանը։
ПОСЛЕДНИЕ ОТ АВТОРА
-
2024-04-18 20:23Церковь Сурб Ованнес Мкртич (Св. Иоанна Крестителя) в Шуши полностью разрушена. Об этом свидетельствуют снимки со спутника, опубликованные в сети Karabakh Records, передает Sputnik Армения.
-
2024-04-18 18:48Россия говорит полуправду, потому что тяжелая российская государственная машина не принимает исторические, геополитические решения на основе лишь одного заявления. Об этом в беседе с корреспондентом NEWS.am заявил член группы «Альтернативные проекты» Ваге Ованнисян.
-
2024-04-18 18:45Вывод российских ВС из Карабаха ставит последнюю точку над «и». Об этом написал в открытом письме на своей странице в Facebook бывший премьер-министр Армении Вазген Манукян, которое адресовано первому заместителю председателя комитета Государственной думы РФ по делам СНГ Константину Затулину, передает News.am.
-
2024-04-18 18:42Нарушая моральные нормы, некоторые политические и общественные деятели не постеснялись обвинить Армянскую Церковь во лжи и мошенничестве. Об этом говорится в заявлении директора Информационной системы Первопрестольного Святого Эчмиадзина Есаи Артеняна в ответ на запросы относительно заявления епископов от 9 апреля.
