2021-12-15 15:23
Информагентства
Իշխան Սաղաթելյան․ Կան գաղտնի և բանավոր պայմանավորվածություններ
Այս մանկական մոտեցումն անընդունելի է։ Կարող էին գալ, իրենց ասելիքն ասել, բացատրություն տալ՝ ինչու այս կարևոր թեմայով քննարկմանը չեն մասնակցում, իրենց դիրքորոշումը հայտնել, ոչ թե պարզապես չմասնակցելով՝ տապալել նիստը, լրագրողների հետ զրույցում ասաց ԱԺ փոխնախագահ, «Հայաստան» խմբակցության պատգամավոր Իշխան Սաղաթելյանը՝ անդրադառնալով իրենց խմբակցության կողմից «Սահմանագծման և սահմանազատման հիմնախնդիրների մասին» հրավիրված Ազգային ժողովի արտահերթ նիստը ՔՊ խմբակցության կողմից տապալելուն:
Խոսելով Բրյուսելում կայացած հանդիպումներին՝ Սաղաթելյանը նշեց, որ դրական սպասելիքներ չկան։
«Ալիևի հայտարարությունը հղի է նոր վտանգներով․ խոսքը Լաչինի միջանցքում մաքսակետ դնելու մասին է», - նշեց նա։
Երկաթուղու գործարկման հեռանկարը դիտարկելիս, ըստ Սաղաթելյանի, պետք է հասկանալ՝ ինչն ինչի դիմաց են զիջել։
«Դրա համար եմ ասում, որ կան գաղտնի և բանավոր պայմանավորվածություններ։ Երբ այս մասին մենք շարունակ ասում ենք, ժխտում են, հետո պարզվում է, որ դա իրականություն է։ Դրա ամենավառ դրսևորումներից մեկն այս հայ-թուրքական սիրախաղն է։ Քանի՞ անգամ են հերքել ու ժխտել, որ գոյություն ունի պրոցես, բայց ամեն անգամ մենք թուրքական կողմից ենք տեղեկանում գաղտնի պայմանավորվածությունների մասին», - ասաց պատգամավորը։
Սաղաթելյանը հայ-թուրքական գաղտնի պայմանավորվածությունների համատեքստում ոչ պատահական և շատ խորհրդանշական համարեց նախօրեին խորհրդարանում ՔՊ խմբակցության հանդիպումը ՀՀ առաջին նախագահի արտաքին քաղաքականության և անվտանգության քաղաքականության հարցերով նախկին խորհրդական Ժիրայր Լիպարիտյանի հետ։
«Այս օրերին այս մթնոլորտում՝ Թուրքիայի ԱԳՆ հայտարարությունից անմիջապես հետո, Հայաստանի նորանկախ պատմության մեջ ամենաձախողված, թրքասեր դիվանագետը գալիս և հանդիպում է քաղաքական մեծամասնության հետ։ Հետաքրքիր է՝ ի՞նչ էր բացատրում կամ ի՞նչ էր սովորեցնում նրանց Լիպարիտյանը, ով մեկ օր առաջ հայտարարել էր, որ Արցախի կարգավիճակի մասին խոսելը հղի է մեծ վտանգներով։ Դա՞ էր քննարկում ամենաձախողված դիվանագետը, ով իր ամբողջ կյանքում հայտնի է իր թրքասիրությամբ», - ընդգծեց «Հայաստան» խմբակցության պատգամավորը, տեղեկացնում է Aysor.am-ը։
ПОСЛЕДНИЕ ОТ АВТОРА
-
New2025-06-03 06:081 июня в Турции 33 организации, занимающиеся вопросами окружающей среды и прав человека, провели акцию в Игдыре, призывая к закрытию Мецаморской атомной электростанции (АЭС) в Армении, сообщает Ermenihaber. Участники акции отметили, что, несмотря на истечение срока эксплуатации Мецаморской АЭС в 2025 году, она продолжает функционировать.
-
New2025-06-03 06:05Российский меморандум по украинскому урегулированию содержит два варианта прекращения огня, сообщают РИА Новости и RT, в распоряжении которых оказался документ.
-
New2025-06-03 05:59В Баку состоялся очередной "суд" над пленными лидерами Нагорного Карабаха и другими армянами.
-
New2025-06-03 05:56Азербайджан значительно увеличил заказ на легкие многоцелевые истребители JF-17 Thunder – с первоначальных 16 до 40 машин. Стоимость сделки оценивается примерно в 4,2 миллиарда долларов.