Последние новости

Թալինում մեծաթիվ ոստիկանական ուժեր են կենտրոնացել

Այս պահին Թալինում մեծաթիվ ոստիկանական ուժեր են կենտրոնացել. Քիչ անց այստեղ տեղի է ունենալու Թալին խոշորացված համայնքի նորընտիր ավագանու անդրանիկ նիստը, որտեղ համայնքապետ պետք է ընտրվի:

Այստեղ նաև մեծ թվով քաղաքացիներ են հավաքվել, որոնք հիմնականում «Զարթոնք» կուսակցության համակիրներ են:

Նշենք, որ թեև ՔՊ-ն Թալինում ՏԻՄ ընտրություններում ստացել է 46,6 տոկոս ձայն, սակայն ընտրություններին մասնակցած մյուս երեք ուժերը («Զարթոնք», «Հայք» և «Մեր համայնքը»), որոնք առանձին-առանձին անհամեմատ քիչ ձայն են ստացել, կոալիցիա են կազմել և մտադիր են իրենց կազմից ընտրել համայնքի ղեկավար: Խոսքը «Հայք»-ի ներկայացուցիչ Կարեն Գրիգորյանի մասին է:

Ավելի ուշ պարզ դարձավ, որ «Զարթոնք» կուսակցության թիմի անդամներից 3-ին բերման են ենթարկել ոստիկանության Թալինի բաժին: Բացի այդ, «Հայք» լիբերալ կուսակցությունը լարվածությունը թոթափելու համար որոշում է կայացրել հրաժարվել մանդատներից, սակայն մեր տեղեկություններով նրանք մանդատները վայր չեն դրել և այսօր կմասնակցեն ավագանու նիստին, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ