Последние новости

Եզդիների առաջնորդները կոչ են անում աշխարհին կանխել Թուրքիայի կողմից ցեղասպանությունը

Եզդի քաղաքական գործիչ Մերվան Բեդելը սպանվել է Թուրքիայի կողմից, Թուրքիան վրեժ է լուծել Շենգալում ԻՊ-ի պարտության համար։ Այս մասին Morning Star-ին ասել է տարածաշրջանային ինքնավար վարչակազմի համանախագահ Ռիհեմ Հեսենը։

Նա Թուրքիային մեղադրել է ջիհադիստների գործը շարունակելու մեջ և միջազգային հանրությանը քննդատել եզդիների ցեղասպանության հերթական փորձի մասին լռելու համար:

Բեդելը սպանվել է, երբ ավտոմեքենան, որով նա շրջում էր երկու փոքր երեխաների հետ, հրթիռակոծվել է Շենգալի դպրոցի մոտ։ Թուրքական լրատվամիջոցները փորձել են հիմնավորել պայթյունը՝ պնդելով, որ նա Սինջարի դիմադրության ուժերի (YBS) ռազմական հրամանատարն է, սակայն նա հրաժարվել է այդ դերից ամռանը, երբ ընտրվել է շրջանային ինքնավար վարչակազմի համանախագահ։

Թուրքիան ակտիվացրել է հարձակումները Շենգալի վրա, որտեղ նրան մեղադրում են մի շարք ռազմական հանցագործությունների և հազարավոր տեղահանված եզդիների վերադարձը կանխելու մեջ։

YBS-ի հրամանատար Սեյիդ Հեսենը սպանվել է օգոստոսին, երբ մեկնում էր Իրաքի վարչապետ Մուստաֆա ալ-Հադիմիի հետ հանդիպելու: Ընդամենը օրեր անց ութ մարդ, այդ թվում՝ չորս բուժաշխատող, զոհվել է, երբ թուրքական ինքնաթիռը հարվածել է Շենգալի հիվանդանոցին:

Չնայած դրան՝ ՄԱԿ-ը և միջազգային հանրությունը լռում են, և Հեսենն ասել է, որ դա նրանց մեղսակից է դարձնում Թուրքիայի կողմից ցեղասպանությանը։

«Ինչո՞ւ են Մարվան Բեդելի, Սեյիդ Հեսենի և Զերդեստ Սենգալիի նման մարդիկ թուրքական պետության թիրախում հայտնվում: Իհարկե, սա վրեժ է ԻՊ-ի համար»,-ասել է նա, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ