Последние новости

Իսրայելը իր վրա է վերցրել Ղասեմ Սուլեյմանիի սպանության պատասխանատվությունը

Իսրայելը դեր է խաղացել իրանցի լեգենդար գեներալ Ղասեմ Սուլեյմանիի սպանության մեջ, ով սպանվել էր 2020 թվականի հունվարին, Բաղդադի մոտ՝ ամերիկյան անօդաչու թռչող սարքի հարվածից։ Այս մասին հայտարարել է ՑԱԽԱԼ-ի հետախուզության ղեկավար, գեներալ-մայոր Թամիր Հեյմանը` այդ սպանությունը բնութագրելով որպես իր պաշտոնավարման ընթացքում «երկու նշանակալի և կարևոր սպանություններից» մեկը, գրում է Haaretz-ը։

«Սուլեյմանիի սպանությունը ձեռքբերում է, քանի որ մեր գլխավոր թշնամին իմ աչքում իրանցիներն են»,- ասել է Թամիրը՝ հավելելով, որ Իսրայելը մի քանի գործողություններ է իրականացրել «տարածաշրջանում իրանական զենքի և միջոցների տարածումը կասեցնելու համար»։

Սուլեյմանիի մահից օրեր անց NBC News-ը հայտնել էր, որ իսրայելական հետախուզությունն օգնել է ԱՄՆ-ին սպանել նրան: Դամասկոսի միջազգային օդանավակայանի իրազեկողները ԿՀՎ-ին հայտնել են, թե երբ է Սուլեյմանիի ինքնաթիռը թռել Բաղդադ, իսկ Իսրայելը հաստատել է ամերիկացիներին տրամադրված հետախուզական տվյալները, տեղեկացնում է News.am։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ