2021-12-21 15:36
Информагентства
Պեսկովը խոսել է Ռուսաստանի դաշնակիցների՝ ՆԱՏՕ-ի հետ համագործակցության մասին
Մոսկվան հետխորհրդային տարածքում իր դաշնակիցների հետ քննարկում է ՆԱՏՕ-ի հետ համագործակցության տարբեր ասպեկտները։ ՌԻԱ Նովոստիի փոխանցմամբ՝ տեղեկություւնը լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։ Նրա խոսքով՝ նախկին ԽՍՀՄ հանրապետությունների մասնակցությունը ՆԱՏՕ-ի ծրագրերին պետք չէ համեմատել Հյուսիսատլանտյան դաշինքի քաղաքական ու ռազմական ենթակառուցվածքներում ինտեգրման հետ:
Կրեմլի ներկայացուցչից հետաքրքրվել են՝ արդյո՞ք Ռուսաստանի դիրքորոշումը ՆԱՏՕ-ի հետ ռազմական համագործակցության վերաբերյալ քննարկվել է դաշնակիցներից որևէ մեկի, օրինակ, Ղազախստանի ու Հայաստանի հետ, և որքանով է, նրա կարծիքով, նման ծրագրերին մասնակցությունը թույլատրելի նախկին միութենական հանրապետությունների համար:
Ռուսաստանի նախագահի մամուլի քարտուղարն այդ կապակցությամբ նշել է, որ մի բան է գործընկերական ծրագրերին մասնակցությունը, այլ բան է Հյուսիսատլանտյան դաշինքի քաղաքական ու ռազմական ենթակառուցվածքներին ինտեգրվելը:
«Դուք գիտեք, որ նախկին Խորհրդային Միության երկրների մեծամասնության հետ մեզ կապում են դաշնակցային պարտավորություններ ՀԱՊԿ-ի, այլ կառույցների շրջանակներում, այդ ամենը բազմիցս քննարկվել է և քննարկվում է», - ասել է նա:
Պատասխանելով հարցին՝ արդյո՞ք Ռուսաստանը թույլատրելի է համարում նախկին միութենական հանրապետությունների մասնակցությունը նման ծրագրերին, Պեսկովն ասել է, որ դա կախված է ինչպես կոնկրետ ծրագրերից, այնպես էլ դրանց մասնակցության բնույթից ու խորությունից:
«Դրանք բոլորն էլ տարբեր են, այստեղ պետք է քննարկել կոնկրետ ծրագիրը, չի կարելի ինչ-որ ընդհանուր հետևություններ անել, հատկապես հիմա, երբ հիմնական քննարկումներն ու բանակցությունները դեռ առջևում են»,- նշել է Պուտինի մամուլի քարտուղարը:
Ռուսաստանի ԱԳՆ-ն դեկտեմբերի 17-ին հրապարակել է ԱՄՆ-ի ու ՆԱՏՕ-ի հետ անվտանգության երաշխիքների մասին Ռուսաստանի պայմանագրի նախագծերը: Ռուսաստանի առաջարկը նախատեսում է նաև հրաժարվել Արևելյան Եվրոպայում, Անդրկովկասում ու Կենտրոնական Ասիայում ՆԱՏՕ-ի ցանկացած ռազմական գործունեությունից, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.