Իշխանությունների նոր նախաձեռնությունը դժգոհության ալիք կարող է առաջացնել հայ վարորդների շրջանում

Հայաստանի շրջակա միջավայրի նախարարությունը շրջանառության մեջ է դրել օրինագիծ, ըստ որի՝ ավտոմեքենաների սեփականատերերը (ֆիզիկական անձինք), որոնց մեքենաները ներկրվել են 2020 թվականի հունվարի 1-ից հետո և շահագործվում են առանց կատալիզատորների, կարող են տուգանվել 300 000 դրամի չափով։ Իրավաբանական անձանց առաջարկվում է տուգանել 500 000 դրամով. Օրինագծի համաձայն՝ կրկնակի խախտման դեպքում ավտոմեքենաների սեփականատերերը կրկնակի չափով տուգանք կվճարեն։

«Վարորդի ընկեր» ՀԿ-ի նախագահ Տիգրան Քեյանը News.am-ի թղթակցի հետ զրույցում կոչ արեց ձեռնպահ մնալ այնպիսի օրենքի ընդունումից, որը կարող է փաստի առաջ կանգնեցնել վարորդներին և դժգոհության ալիք առաջացնել։ Մեքենաներ գնելիս վարորդներից շատերը ուշադրություն չեն դարձրել դրա վրա կատալիզատորի առկայությանը կամ բացակայությանը։

Փոփոխությունները, նրա գնահատմամբ, կստիպեն ոչ հարմարեցված մեքենաների վարորդներին վերազինել մեքենան և կատալիզատորներ տեղադրել։ Նույնը վերաբերում է առանց կատալիզատորների մեքենաներ ներկրած վարորդներին։

Փորձագետը նման միջոցները սխալ է համարում։

Հաշվի առնելով, որ օրենքը վերաբերում է 2020 թվականի հունվարի 1-ից ներկրված մեքենաներին, մինչ այդ անհրաժեշտ էր արգելք դնել առանց կատալիզատորների մեքենաների ներկրման վրա, ինչը, ինչպես նշեց Տիգրան Քեյանը, չի արվել։

Պետք է նկատի ունենալ նաև այն, որ կատալիզատորների գողության շատ դեպքեր են գրանցվում։ Վերոնշյալ օրենքի ընդունման դեպքում վարորդը կրկնակի կտուժի, քանի որ բավական չէ նրա ունեցվածքը գողանում են, նա նաև ստիպված է լինելու ծախսեր անել։

«Եթե 2006-2007 թվականների մինչև 8000 դոլար արժողությամբ ավտոմեքենայի կատալիզատորը կարժենա մոտ 350 000 դրամ (ավելի քան 700 դոլար - խմբ.), ապա կարելի է պատկերացնել, թե որքան կարժենան նոր մեքենաների կատալիզատորները»,- նշեց նա։

Փորձագետը վստահ է, որ պետությունն այս դեպքում վարորդի կողմից չէ և պատժիչ միջոցների է դիմում։

Նա առաջարկում է ավելի հեշտ բան անել՝ ավտոմեքենայի պրոգրեսիվ հարկ մտցնել՝ կախված մթնոլորտ վնասակար նյութերի արտանետումների ցուցանիշից։

«Եթե պետությունը մտածում է օդի աղտոտվածությունը նվազեցնելու մասին, ապա ձիաուժի հիման վրա հարկումը կարելի է աբսուրդ անվանել։ Կատալիզատորները նախատեսված են օդի աղտոտվածությունը նվազեցնելու համար, և որքան շատ է մեքենան աղտոտում օդը, այնքան ավելի շատ հարկ պետք է վճարի վարորդը: Այս մոտեցման դեպքում քաղաքացին ինքը կորոշի, թե ինչ մեքենա գնի, ինչպես վերազինի այն և ինչպես կրճատի ծախսերը։ Վնասակար նյութերի արտանետման աստիճանը որոշելու գործառույթը հեշտությամբ կարելի է պատվիրակել տեխզննման կետերին»,- ասել է Տիգրան Քեյանը։