2021-12-22 18:45
Информагентства
Օվերչուկ․ Մոսկվան առաջարկել է գործարար խորհուրդ ստեղծել, Երևանն աջակցել է նախաձեռնությանը
Ռուսական կողմը հանդես է եկել Ռուս–հայկական գործարար խորհուրդ ստեղծելու նախաձեռնությամբ, որը կոչված է ընդլայնելու երկու երկրների մարզերի միջև կապերը, ամրապնդել բիզնես–շփումները, համատեղ արտադրություններ հիմնել։ Այս մասին Երևանում հայ–ռուսական միջկառավարական հանձնաժողովի նիստի ընթացքում հայտարարեց ՌԴ փոխվարչապետ Ալեքսեյ Օվերչուկը։
«Երկու երկրների մարզերի միջև կապերի ընդլայնման, գործարար շփումների ամրապնդման, համատեղ արտադրությունների ստեղծման և ներդրումային երկխոսության աշխուժացման, մեկ հարթակում այդ աշխատանքների համախմբման նպատակով ռուսական կողմը հանդես է եկել Ռուս–հայկական գործարար խորհուրդ ստեղծելու նախաձեռնությամբ», – հայտարարեց նա։
Օվերչուկի խոսքով` այս նախաձեռնությունն աջակցություն է ստացել հայկական կողմից և արձանագրվել միջկառավարական հանձնաժողովի նիստի ամփոփիչ արձանագրության մեջ։
«Մեր երկիրը շահագրգռված է համատեղ առևտուրն ու ներդրումներն ավելի ակտիվ զարգացնելու հարցում։ Ռուսական բիզնեսը կարող է արդյունավետ լուծումներ առաջարկել տրանսպորտային, էներգետիկ, սոցիալական ենթակառուցվածքների, թվային տնտեսության զարգացման առումով», – նշեց ՌԴ փոխվարչապետը։
Նրա խոսքով` առևտրատնտեսական համագործակցության աշխուժացման նպատակով մինչև 2025 թվականը Ռուսաստանի և Հայաստանի երկարաժամկետ տնտեսական համագործակցությանն ուղղված միջկառավարական ծրագրի նախագիծ է նախապատրաստվել։ Ձեռք բերած պայմանավորվածությունների համաձայն` այն կստորագրվի մինչև հաջորդ տարվա առաջին եռամսյակի վերջ։
ՌԴ փոխվարչապետի գլխավորած պատվիրակությունը Երևան է ժամանել` մասնակցելու միջկառավարական խորհրդի նիստին, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-10 12:26Руководитель общины Арзни (Котайкская область) Феликс Мирзоев освобожден из-под стражи, сообщили Sputnik Армения в Следственном комитете РА.
-
New2025-06-10 12:25Тюрколог Варужан Гегамян заявил, что на фоне атак премьер-министра РА Никола Пашиняна на Армянскую Апостольскую Церковь в Нахичеване проводятся азербайджано-турецкие военные учения.
-
New2025-06-10 12:14Спустя 4 года уголовное дело профессора Армена Чарчяна наконец-то завершилось, и увенчалось успехом. Об этом на своей странице в Facebook написал адвокат Эрик Алексанян.
-
New2025-06-10 11:28Никол Пашинян начинает очередную сенсационную кампанию, на этот раз против Армянской апостольской церкви и Католикоса всех армян. Об этом пишет газета «Жоховурд», развивая тему.