2021-12-24 15:12
Информагентства
0
Նոր ծրագիր, որը զարգացնում է ՀՀ-ում չափագիտության ոլորտը. ԵՄ-ն 4 մլն եվրո է հատկացնում
Դեկտեմբերի 23-ին ՀՀ էկոնոմիկայի նախարար Վահան Քերոբյանը և Հայաստանում Միավորված ազգերի կազմակերպության արդյունաբերական զարգացման կազմակերպության (ՄԱԱԶԿ) ներկայացուցիչ Անահիտ Սիմոնյանը ստորագրեցին «Աջակցություն Հայաստանում որակի ենթակառուցվածքների զարգացմանը» ծրագրային փաստաթուղթը, որը ֆինանսավորվում է ԵՄ-ի կողմից 4 մլն եվրո բյուջեով։
Էկոնոմիկայի նախարարությունից News.am-ին հայտնում են, որ ողջունելով միջոցառման մասնակիցներին՝ նախարար Վահան Քերոբյանը կարևորեց ստորագրվող ծրագիրը և համոզմունք հայտնեց, որ վերջինիս իրականացման արդյունքում Հայաստանը կկարողանա վերացնել առևտրի տեխնիկական խոչընդոտները, ինչն ուղղակիորեն առնչվում է երկրի որակի ենթակառուցվածքի համակարգի զարգացման և միջազգային ճանաչման հետ: «Ծրագիրը կաջակցի Հայաստանի չափագիտության համակարգի արդիականացմանը Ստանդարտների և չափագիտության ազգային մարմնի ինտիտուցիոնալ ամարապնդման միջոցով, կընդլայնի Հայաստանի մասնակցությունը միջազգային և տարածաշրջանային չափագիտության համայքներում, ինչպես նաև փոխհարաբերությունները Չափագիտության ինստիտուտների եվրոպական ասոցիացիայի (EURAMET) հետ», - իր խոսքում նշեց Վահան Քերոբյանը:
Նախարարը հավելեց, որ ծրագիրը կօգնի ստեղծել Հայաստանում 4 տրամաչափման լաբորատորիաներ` գործարկելով համապատասխան չափման միջոցներ և սարքեր, որոնք անհրաժեշտ են պահանջվող տրամաչափարկման և չափագիտական կարողությունների համար, և կպատրաստի այդ լաբորատորիաներին միջազգային հավատարմագրման ձեռքբերման համար։
Ծրագրի արդյունքում շահագրգիռ կողմերին կտրամադրվեն կայուն և միջազգայնորեն ճանաչված չափագիտական ծառայություններ: Արդյունքում Հայաստանում կբարելավվի արտադրված ապրանքների որակը և կապահովվի Հայաստանում կատարված չափումների, փորձարկումների միջազգային ճանաչումը, ինչը կնպաստի մարդկանց կյանքի որակի բարձրացմանը և կընդլայնվի առևտուրը ԵՄ և այլ օտարերկրյա երկրների հետ:
ՄԱԱԶԿ գործադիր տնօրեն Բերնարդո Կալզադիլա-Սարմիենտոն, անդրադառնալով ծրագրին, նշեց դրա կարևորությունը և գնահատեց Հայաստանի կառավարության նվիրումը չափագիտության ոլորտի զարգացմանը։ Բարձր գնահատվեց նաև ՄԱԱԶԿ-ի հետ ՀՀ կառավարության անցյալից սկսված համագործակցությունը, որի զարգացման հեռանկարները վերահաստատվեցին ևս մեկ ծրագրի այսօրվա մեկնարկով։
Հայաստանում Եվրամիության պատվիրակության համագործակցության բաժնի պետ Ֆրանկ Հեսսը ևս ողջունեց ներկաներին և նշեց, որ Եվրամիությունը ուրախ է աջակցել Հայաստանում կայուն տնտեսական զարգացմանը՝ ի շահ ՀՀ բոլոր քաղաքացիների։ Նշվեց, որ սննդամթերքի անվտանգության և առողջապահության ոլորտների կատարելագործումը, կլիմայի փոփոխության մեղմացումը և շրջակա միջավայրի նկատմամբ հոգատարությունը որակի ենթակառուցվածքի օգուտներից են: Առևտրի բարելավված մրցունակությունը և այդ ուղղությամբ առաջարկվող օգուտների արդյունավետ օգտագործումը թույլ կտան ավելի համապատասխանել Համապարփակ և ընդլայնված գործընկերության համաձայնագրի ոգուն։
Այս ծրագիրը համապատասխանում է Եվրամիության և Հայաստանի Հանրապետության կողմից «Համապարփակ և ընդլայնված գործընկերության համաձայնագրի» (ՀԸԳՀ) դրույթներով ստանձնած պարտավորություններին, որը կհանգեցնի առևտրի մրցունակության բարելավմանը և ՀԸԳՀ-ով նախատեսված դրույթներից բխող օգուտների բովանդակալից իրականացմանը: Որակի ենթակառուցվածքի զարգացումից կշահի ոչ միայն առևտրի ոլորտը, այլև այլ ոլորտներ, այդ թվում՝ սննդի անվտանգության և առողջապահության, կլիմայի փոփոխության և շրջակա միջավայրի ոլորտները։
Ծրագիրը «Ստանդարտացման և չափագիտության ազգային մարմնի» ինստիտուցիոնալ հզորացման, միջազգային առաջարկություններին և լավագույն փորձին համապատասխան իրավական, կարգավորող և կառավարման համակարգի բարելավման միջոցով կօժանդակի Հայաստանի չափագիտության համակարգի արդիականացմանը, միջազգային և տարածաշրջանային չափագիտության ոլորտում Հայաստանի մասնակցության ակտիվացմանը, ինչպես նաև «Չափագիտության ինստիտուտների եվրոպական ասոցիացիայի» (EURAMET) հետ փոխգործակցությանը։ Ծրագիրը նաև կօգնի ստեղծել տրամաչափարկման չորս լաբորատորիա՝ չափման ստանդարտների, չափիչ գործիքների, չափումների և տրամաչափարկման կարողությունները զարգացնելու համար անհրաժեշտ սարքավորումների գնման, տեղադրման և գործարկման միջոցով, ինչպես նաև նախապատրաստել լաբորատորիաների միջազգային հավատարմագրման գործընթացը: Այս ծրագրի արդյունքում շահագրգիռ կողմերին կտրամադրվեն կայուն և միջազգայնորեն ճանաչված չափագիտության ծառայություններ:
Ծրագրի շրջանակներում կիրականացվեն ուսումնասիրություններ, կկազմակերպվեն դասընթացներ, ձեռք կբերվեն սարքավորումներ և ծառայություններ, կկազմակերպվեն տեղեկատվական արշավներ:
Ծրագրի իրականացման տևողությունը 39 ամիս է, արժեքը՝ 4.1 մլն եվրո, որից 4 մլն եվրոն ԵՄ-ի ներդրումն է, իսկ 100,000 եվրոն՝ ՄԱԱԶԿ-ի։
ПОСЛЕДНИЕ ОТ АВТОРА
-
New2024-11-22 10:44При голосовании за антииранскую резолюцию в Совете управляющих МАГАТЭ голос Армении оказался в числе 12 воздержавшихся. Поддержали Иран всего трое - Россия, Китай, Буркина-Фасо. 19 – начиная с США, Британии, Франции, Германии и заканчивая Грузией - одобрили резолюцию.
-
New2024-11-22 10:13Смех — это универсальный язык, который помогает нам налаживать контакты, выражать эмоции и даже сглаживать конфликты. Но что на самом деле скрывается за этим простым и знакомым проявлением человеческой природы? Психологи из University of Virginia (США) утверждают: смех — это не всегда признак радости, а сложный социальный инструмент с множеством оттенков, сообщает Royal Society Publishing.
-
New2024-11-22 10:10Нынешний Налоговый кодекс Армении даже более неудачный, чем об этом заявляет премьер-министр Никол Пашинян, назвавший его "антигосударственным". Однако проблема в том, что даже после инициированных властями законодательных изменений новый Налоговый кодекс сохранит все тот же "антигосударственный" характер. Такое мнение высказал в беседе со Sputnik Армения председатель Палаты аудиторов Наири Саркисян. Ранее премьер-министр Армении Никол Пашинян заявил, что действующее налоговое законодательство не учитывает интересы страны и даже антигосударственное, так как не позволяет собрать нужные налоги.
-
New2024-11-22 10:04Конференция «50 лет холодному слиянию» в Ереване Международная конференция физиков под названием «50 лет холодному слиянию» проходит в эти дни в Ереване. Она организована Национальной академией наук Республики Армения и Объединенным институтом ядерных исследований (ОИЯИ, Дубна). Для участия в конференции собрались ученые из Европы, Азии и Америки.