Առուշ Առուշանյանը կմնա կալանքի տակ

Սյունիքի մարզի ընդհանուր իրավասության դատարանը` դատավոր Գնել Գասպարյանի նախագահությամբ, որոշեց Գորիսի համայնքապետ Առուշ Առուշանյանի խափանման միջոց կալանքը թողնել անփոփոխ։

Նշենք, որ նախորդ դատական նիստում Քարահունջի վարչական ղեկավար Լուսինե Ավետյանը հրաժարվել էր Առուշանյանի դեմ ներկայացված մեղադրական ցուցմունքից, որի հիման վրա էլ Առուշանյանը կալանավորվել էր։

Հիշեցնենք, որ Առուշ Առուշանյանին մեղադրանք է առաջադրվել ՀՀ քրեական օրենսգրքի 154.2-րդ հոդվածի 4-րդ մասի 2-րդ կետի (ընտրողի կամքի ազատ իրականացմանը խոչընդոտելը), 149-րդ հոդվածի 2-րդ մասի 4-րդ կետի (պաշտոնեական դիրքն օգտագործելով ընտրական իրավունքի իրականացումը) և 154.2-րդ հոդվածի 3-րդ մասի (քվեարկության գաղտնիությունը խախտելը) հատկանիշներով։

Այս քրեական գործին միացվել է մեկ այլ քրեական գործ, որով Առուշանյանի նկատմամբ որպես խափանման միջոց է կիրառվել գրավը՝ 2 մլն դրամի չափով։

Առուշ Առուշանյանը կալանավորված է 2021 թվականի հուլիսի 16-ից, տեղեկացնում է Sputnik Արմենիա-ն։