Աբսուրդի թատրոնը շարունակվում է. Ալիևը «ադրբեջանականացրել է» Երևանի ուսուցչական սեմինարիան

Ադրբեջանի նախագահը հանդես է եկել նոր նախաձեռնությամբ, որը կոչված է «հիմք» ստեղծելու Հայաստանի դեմ տարածքային պահանջների համար։

Իլհամ Ալիևն այս անգամ ոչ ավել, ոչ պակաս «ադրբեջանականացրել է» Երևանի ուսուցչական սեմինարիան։

Ինչպես հայտնում են ադրբեջանական լրատվամիջոցները, Ալիևը նախօրեին հրաման է ստորագրվել «Իրևանի ուսուցչական սեմինարիայի» 140-ամյակի միջոցառումների նախապատրաստման մասին։ Այդ կապակցությամբ Ադրբեջանի կրթության նախարարությանը նախապատրաստել է ծրագիր, նախարարների կաբինետին հանձնարարվել է լուծել կարգադրությունից բխող հարցեր։ Որոշման մեջ, մասնավորապես, ասվում է, որ 1881 թվականին (Ադրբեջանի հայտնվելուց կես դար առաջ-խմբ․) ստեղծված սեմինարիան «գովելի ներդրում է ունեցել Իրևանի մահալի պահպանման գործում, որտեղ ադրբեջանցիները կազմել են հասարակական-գրական, գիտական-մշակութային կյանքի ավանդական բովանդակության և գործունեության պահպանման գործում մեծամասնություն, հիշարժան էջեր են գրել մանկավարժական մտքի տարեգրության մեջ»։

Այն ակնհայտ փաստը, որ ուսումնական հաստատությունը կոչվել է «սեմինարիա» և, համապատասխանաբար, ենթադրում է քրիստոնեական կրթություն, չի անհանգստացնում Բաքվի իշխանություններին։

Սա Երևանի «ադրբեջանական պատկանելիության» մասին Իլհամ Ալիևի առաջին հայտարարությունը չէ։ Նախկինում նա պնդում էր, որ սա «իր նախնիների հայրենիքն է», տեղեկացնում է News.am-ը։