Ավանեսյանը կրկին «փայլեց»՝ Քաղաքացու փոխարեն կարող է բարեկամը վճարի ՊՇՌ թեստի համար

ՍԴ-ն առողջապահության նախարարի հրամանը ճանաչեց սահմանդրական: Դրա բոլոր պահանջները, բացի «իր հաշվին» արտահայտությունից, համապատասխանում էր Սահամանդրությանը։ Այդ պահանջները գործելու են, որևէ փոփոխություն չունենք: Լրագրողների հետ զրույցում ասաց Առողջապահության նախարար Անահիտ Ավանեսյանն՝ անդրադառնալով ՍԴ–ի որոշմանը, որով հակասահմանադրական է ճանաչվել ՊՇՌ թեստերի մասով Առողջապահության նախարարի հրամանի մի հատվածը։

Ինչ վերաբերվում է օրենքի «իր հաշվին» հատվածին, որը հակասահամանդրական էր ճանաչվել, նախարարը նշեց, որ այդ արտահայտությունը դուրս կգա.

«Հաշվի առնելով, որ պարտադիր չէ, քաղաքացին հենց իր հաշվին թեստավորվի, և ոչ թե այլ անձի հաշվին, որը ցանկություն ունի իր փոխարեն վճարել թեստի համար, նման սահամանփակում չենք կարող մտցնել, ինչն իրավաչափ է: Քաղաքացու փոխարեն կարող է նաև բարեկամը վճարել թեստի համար»,-ասաց Ավանեսյանը և ընդգծեց՝ ՍԴ որոշման մեջ պետության կամ գործատուի կողմից թեստավորման ծախսն իր վրա վերցնելու վերաբերյալ որևէ խոսք չկա.

«Այն բոլոր ծախսերը, որոնք պետական բյուջեի հաշվին չեն իրականացվում, պարզ է, որ իրականացվում են մասնավոր հիմունքներով՝ քաղաքացիների կամ այլ անձանց կողմից»,-ասաց Անահիտ Ավանեսյանը:

Նախարարը նաև հայտնեց, որ ՊՇՌ թեստերի մասով վարույթներ են հարուցվել, քանի որ ՊՇՌ թեստավորում իրականացնող լաբորատորիաներում գնային քաղաքականության կտրուկ փոփոխություններ են եղել, ՏՄՄՊ-ն քննության առարկա է դարձնելու սա և հասկանա՝ որքանո՞վ են այս փոփոխություններն օբյեկտիվ և նպատակահարմար.

«Վարույթների ընթացքում պարզ կդառնա՝ իրավաչա՞փ էին արդյոք լաբորատորիաների գործողությունները»:

Փաստինֆո