Последние новости

ԼՈՒՅՍԸ ԵՐԵՎՈՒՄ Է ԹՈՒՆԵԼԻ ՎԵՐՋՈՒՄ

Մինչ Փաշինյանի հորդայի ներխուժումը հայերն ադրբեջանցիներից լավ էին ապրում

«Հիմա  դժվար է մեր թիմի որևէ անդամի ասել՝ փորձառություն չունեցող, որովհետեւ մենք թեկուզ վերջին մեկ տարվա ընթացքում անցել ենք փորձությունների միջով, որ գուցե տասնամյակի փորձություն է»,- հայտարարեց Փաշինյանը դեկտեմբերի 24-ին կայացած առցանց մամուլի ասուլիսում։

Հետաքրքիր է, այդ ի՞նչ փորձությունների միջով են հասցրել անցնել Լիլիթ Մակունցն ու Ռուբեն Ռուբինյանը: Առաջինին նշանակեցին «Իմ քայլը» խմբակցության ղեկավար, իսկ հետո ԱՄՆ-ում դեսպան ուղարկեցին լոկ այն հիման վրա, որ նա տիրապետում է անգլերենին և մտերիմ է Փաշինյանի ընտանիքի հետ։ Երկրորդին անմիջապես ուսանողական նստարանից նշանակեցին փոխարտգործնախարար, հետո դարձրեցին փոխխոսնակ և ուղարկեցին Թուրքիայի հետ բանակցելու։ Միանգամայն ակնհայտ է, որ Մակունցն ու Ռուբինյանը չեն տիրապետում դիվանագիտական աշխատանքի հմտություններին և բանակցելու փորձ էլ չունեն։

Անցնող տարվա վերջին օրերին նախկին վարչապետ Հրանտ Բագրատյանը հայտարարեց, որ նախքան գունավոր հեղափոխության հայկական ծաղրապատկերը Հայաստանի և Արցախի միջին վիճակագրական քաղաքացիներն ավելի լավ էին ապրում, քան Ադրբեջանի միջին վիճակագրական քաղաքացիները։ Որպեսզի մեր քաղաքացիները հասկանան, թե բացի սեփական անձից՝ ուրիշ ում են պարտական կենսամակարդակի կտրուկ անկման համար, պատմենք թիմի անդամների մասին, որոնք, ըստ Փաշինյանի, անցել են գիտելիքներին ու փորձառությանը փոխարինած բազմաթիվ փորձությունների միջով:

«Պատմականորեն» պարզ է ամեն ինչ

Ռեժիմի կադրային քաղաքականության մեջ առանձնահատուկ տեղ է հատկացվում դասատուներին։ Պաշտպանության նախարար Սուրեն Պապիկյանը պատմության ուսուցիչ է եղել դպրոցում, արտգործնախարար Արարատ Միրզոյանը նույնպես կրթությամբ պատմաբան է, աշխատանքի և սոցիալական ապահովության նախարար Նարեկ Մկրտչյանն էլ պատմության դասատու է աշխատել դպրոցում։ Տարածքային կառավարման նախարար Գնել Սանոսյանը աշխարհագրություն է դասավանդել երեխաներին, բայց Փաշինյանի «հեղափոխությունից» հետո անմիջապես դարձել Արագածոտնի մարզպետ։

Ռոմանոս Պետրոսյանը նախքան իշխանափոխությունը աշխատել է (չե՛ք հավատա) սուպերմարկետի պահեստում, իսկ իշխանափոխությունից հետո երեքուկես տարում հասցրել է լինել Կոտայքի մարզպետ և բնապահպանության նախարար։ Տվյալ պահին բարձր պաշտոններով «փորձություն» անցած Ռոմանոսը գլխավորում է Պետական վերահսկողական ծառայությունը։

Կարեն Սարգսյանը, որին Նիկոլը նշանակել է Գեղարքունիքի մարզպետ, նախքան իշխանափոխությունը աշխատել է որպես մարզական մեկնաբան։ Արամ Խաչատրյանը մինչ Լոռու մարզպետ դառնալը աշխատել է որպես ռազմագիտության ուսուցիչ, իսկ Շիրակի մարզպետ Նազելի Բաղդասարյանը լրագրող է եղել։ Հայկ Ղալումյանը Փաշինյանի կնքահայրն է, և միայն դրա հիման վրա նրան իշխանափոխությունից հետո նշանակեցին Իջևանի քաղաքապետի պաշտոնակատար, իսկ ավելի ուշ՝ Տավուշի մարզպետ։ Ի դեպ, Փաշինյանը նրան մարզպետ նշանակեց այն բանից հետո, երբ պարզ դարձավ, որ ոչ մի խոշորացում չի ստիպի Իջևանի բնակիչներին քվեարկել Ղալումյանի օգտին՝ որպես մշտական հիմունքներով քաղաքապետի։

Մարզպետի հարազատ եղբայր Վահե Ղալումյանը, հունիսի 20-ին երկրորդ անգամ դարձավ ԱԺ պատգամավոր։ Առողջապահության նախարարությունը, ինչպես հայտնի է, ղեկավարում է իրավաբան Անահիտ Ավանեսյանը, ընդ որում վերջերս ՍԴ-ի կայացրած որոշումը ցույց տվեց, որ որպես իրավաբան էլ նա նույնքան ապաշնորհ է…

Մելիքսեթին պաշտոնանկ կանեն, Սյունիքում ուժեղ ձեռք է պետք

Արագածոտնի նորանշանակ մարզպետ Ռազմիկ Պետրոսյանը կասկածվում է պաշտոնեական կեղծիքի մեջ, քանի որ, ըստ ԶԼՄ-ների, իբրև դիպլոմ է ներկայացրել ինչ-որ մասնավոր բուհից վերցրած թղթի կտորը, որը տրվել է այդ բուհի գոյության  դե յուրե դադարեցումից մեկ տարի անց։  Լրագրողներին այդ բացահայտման համար պահանջվեցին հաշված օրեր, իսկ իրավասու մարմինները ոչ մի կերպ չեն կարողանում մեկնաբանել այդ փաստը։

Օրենքը պարտադիր պայման է սահմանում բարձրագույն կրթության առկայությունը մարզպետի պաշտոն զբաղեցնողների պարագայում: Եթե պարզվի, որ Պետրոսյանը զբաղեցրել է այդ պաշտոնը օրենքի շրջանցումով, ապա մարզի ղեկավարի պաշտոնում նրա բոլոր որոշումները կհամարվեն անօրինական։ Ոստիկանության վեցերորդ վարչությունը ոչ մի կերպ չի կարողանում տրամաբանական ավարտին հասցնել Արագածոտնի մարզպետի դիպլոմի հետ կապված գործը։ Ըստ երևույթին, հարցը դեմ է առել նրան, որ Փաշինյանը տեղյակ է եղել կեղծ դիպլոմի մասին, այդուհանդերձ որոշել է նշանակել Պետրոսյանին այդ բարձր պաշտոնին

Առ այսօր որևէ մեկին չի հաջողվել լույս սփռել Սյունիքի մարզպետ Մելիքսեթ Պողոսյանի դիպլոմի վրա, որը  մինչ այդ պաշտոնում նշանակվելը հովիվ է աշխատել, իսկ հետո՝ զինվորական։ Նրա դիպլոմը տեսնելու բոլոր փորձերը անհաջողության են մատնվել, ուստի, ինչպես հայտնի է դարձել մեզ, համապատասխան դիմումներ կան դատախազություն՝ դրա առկայության կամ բացակայության փաստի վերաբերյալ պարզաբանումներ ստանալու նպատակով։ Թեպետ, Պողոսյանին, ըստ շրջող լուրերի, շուտով պաշտոնանկ կանեն. ռեժիմին ուժեղ ձեռք է պետք Սյունիքում

Վաղարշակ Հարությունյանի գեներալական ուսադիրները պոկել են դեռևս 2002-ին, սակայն իշխանափոխությունից հետո նա դարձավ Փաշինյանի ռազմական խորհրդականը, հետևաբար, 44-օրյա պատերազմում հայկական զինված ուժերը պարտվեցին նաև նրա խորհուրդների հետևանքով։ 2021-ի տարեվերջին Հարությունյանը «Զինուժ Մեդիային» տված հարցազրույցում խոստովանեց, որ ստորագրել է Սյունիքում հայկական ստորաբաժանումները հետ քաշելու մասին փաստաթուղթը: Տվյալ դեպքում կադրային որոշումը միանգամայն արդարացված էր, քանզի բացի Վաղարշակից՝ ուրիշ ոչ մեկի ստորությունը չէր բավականացնի Փաշինյանի այդ հրահանգը կատարելու համար։

Ներկայումս Հարությունյանը, ըստ ԶԼՄ-ների, սպասում է ՌԴ-ում դեսպանի պաշտոնում իր նշանակմանը: Հարությունյանից հետո պաշտպանության նախարարի պաշտոնն անցավ Արշակ Կարապետյանին, որին Սերժ Սարգսյանի հրամանով հեռացրել էին Գլխավոր շտաբի հետախուզության վարչության պետի պաշտոնից՝ 2016 թվականի Ապրիլյան պատերազմից հետո:

Իշխանափոխությունից հետո արքունիքը բարեհաճ գտնվեց «նեղացած» Արշակի նկատմամբ։ Այդ գեներալների անունների հետ կապված են տարածքային և մարդկային մեծ կորուստներ։ Պաշտպանության նախարարի պաշտոնը զբաղեցնող Պապիկյանն արդեն նախաձեռնել է մեծաթիվ ուղեկցողներով քայլերթ-գրոհ դեպի ԵՊՀ՝ նպաստելու համար գիտնական գործընկերների կողմից գրագողության մեջ մեղադրող հայտնի «սորոսականին» ռեկտորի պաշտոնում նշանակելուն:

«Այդ ճանապարհին ենք» և «անելո՛ւ ենք»

Փորձությունների միջով անցել են ոչ թե Փաշինյանի թիմի անդամները, այլ ժողովուրդը, ներառյալ նրանք, ովքեր հավատացել են, թե իշխանափոխությունը կուշտ կյանքի երաշխիք է։ Այսօր Փաշինյանը խոստանում է «խաղաղության դարաշրջանի» գալուստ, այդ կարգախոսի ներքո նրա խունտան ավարտին կհասցնի հայոց պետականության կործանումը։ Իշխանության ղեկին ընչաքաղց ոհմակ է, որը 2018-ի ապրիլից պարգևավճարներ է խժռում պետական գանձարանից, պետության հաշվին ման տալիս իրենց կանանց Եվրոպայում, թանկարժեք առանձնատներ ու արտասահմանյան ավտոմեքենաներ գնում։ Այդ թայֆան հեշտ ու հոժար չի հրաժարվի յուղոտ պաշտոններից։

«Մենք համոզված ենք, որ այս մարդիկ իրենց հոժար կամքով իշխանությունը չեն թողնելու. իշխանությունից նրանց հեռացնելու համար պետք են զանգվածային ընդվզումներ, անհրաժեշտ է փողոցային պայքար: Մենք պետք է պատրաստենք և պատրաստում ենք այդ զանգվածային ընդվզումները, անելու ենք, այդ ճանապարհին ենք»,- ամփոփիչ մամլո ասուլիսում հայտարարեց Ռոբերտ Քոչարյանը:

«Այդ ճանապարհին ենք» արտահայտությունը մտածող հանրության կողմից ընկալվեց որպես լույս թունելի վերջում։ Փաշինյանի ընչաքաղց հաճկատարների վրա նույնիսկ թռուցիկ հայացք նետելով կարելի է հասկանալ, որ հարցը դրված է շեշտակի. կամ-կամ։ Կա՛մ մենք օժանդակում ենք հանցախմբի ախորժակը հագեցնելուն, որի պարագլուխը վերածում է մեր երկիրը թուրքական պրոտեկտորատի, կա՛մ դուրս ենք գալիս փողոց և զրկում այդ հանցախմբին Հայաստանի և Արցախի ճակատագիրը վճռելու հնարավորությունից։

2021 թ. վերջին օրերին ռազմական փորձագետ Դավիթ Ջամալյանը շատ կարևոր խոսքեր ասաց այն մասին, որ իշխանափոխությունը հնարավոր է տեսանելի հեռանկարում, սակայն դրան պետք է լավ պատրաստվել՝ ֆալստարտ թույլ չտալու համար։ Լույսը երևում է թունելի վերջում, «այդ ճանապարհին ենք» և «անելո՛ւ ենք»:

    ПОСЛЕДНИЕ ОТ АВТОРА

    • "ОБОСНОВАННЫМ ПОДОЗРЕНИЯМ" СК НИКТО НЕ ВЕРИТ
      2024-06-21 09:10

      Существуют неопровержимые доказательства причастности к истязаниям и пыткам общественного деятеля Тиграна Аракеляна и лидера партии "Голос общества" Артака Галстяна начальника СК Аргишти Кярамяна. Есть документы, которыми зафиксированы нанесенные Галстяну побои, а также причиненные Аракеляну физические увечья. Есть письмо Галстяна Пашиняну из колонии, которое было опубликовано в СМИ. Причастность Кярамяна к пыткам и побоям упомянута в промежуточном докладе Хельсинской инициативы под руководством Аветика Ишханяна.

    • ГЕЙ-ПАРАД В ДИСНЕЙЛЕНДЕ
      2024-06-20 09:30

      Состоятельная пара из Еревана очень гордилась тем, что смогла показать своим сыновьям Диснейленд США и в странах Европы. Когда младшего спросили, что больше всего ему запомнилось в стране Диснея, то 6-летний мальчик ответил: "Гей-парад!". Армения ускоренными темпами адаптируется к западным "ценностям". Вашингтон диктует свою волю коллективному Брюсселю, а вместе они контролируют режим Пашиняна.

    • ЗАПАД РЕАЛИЗУЕТ ПРОГРАММУ УНИЧТОЖЕНИЯ АРМЯНСКОГО ГОСУДАРСТВА
      2024-06-18 09:49

      "Пашинян получил от американцев индульгенцию на жестокое подавление акций движения "Тавуш во имя Родины", посещение Чрезвычайным и Полномочным Послом Кристиной Квинн парламента незадолго до событий 12 июня было отнюдь не случайным", - заявила Чрезвычайный и Полномочный Посол Дзюник Агаджанян.

    • США И ЕВРОПА ПОДДЕРЖИВАЮТ КУ-КЛУКС-КЛАН ПАШИНЯНА
      2024-06-17 09:57

      Агитпроп власти не удержался от комментариев, дескать, события 12 июня на улице Демирчяна и проспекте Баграмяна движение "Тавуш во имя Родины" приурочило ко Дню России, с которым Пашинян по традиции поздравил президента Путина и премьер-министра Мишустина. С трибуны парламента главарь режима обрушился с критикой на оппозицию, обвинив ее в том, что своими действиями она готовит для Армении участь российской губернии. Более 10 светозвуковых гранат российского производства "Заря-3" были использованы полицией против участников движения в тот самый момент, когда Пашинян покидал в бронированном автомобиле территорию парламента.






    ПОСЛЕДНЕЕ ПО ТЕМЕ