2022-01-05 13:22
Информагентства
Կառավարությունը Զանգեզուրի կոմբինատի իր բաժնետոմսերը կառավարման է հանձնում ԱՆԻՖ–ին
ՀՀ կառավարությունը Զանգեզուրի պղնձամոլիբդենային կոմբինատի իր բաժնետոմսերը հավատարմագրային կառավարման է հանձնում Հայաստանի պետական հետաքրքրությունների ֆոնդին (ԱՆԻՖ)։ Համապատասխան որոշումն ընդունվեց այսօր ՀՀ կառավարության նիստում։
ՀՀ փոխվարչապետ Համբարձում Մաթևոսյանը հայտնեց, որ բաժնետոմսերի նկատմամբ պետության սեփականության իրավունքը պահպանվելու է։
«Առաջարկվում է նաև ՀՀ վարչապետի աշխատակազմին հանձնարարել ՀՀ կառավարության անունից կնքել հավատարմագրային կառավարման մասին պայմանագիրը։ Հիշեցնեմ, որ ԱՆԻՖ-ը հանդիսանում է 100% պետական սեփականությամբ առևտրային կազմակերպություն, որի մանդատներից մեկը պետության ռազմավարական նշանակության ակտիվներում պետության՝ որպես սեփականատեր, արդյունավետ ներկայացուցչությունն է: ԱՆԻՖ-ի միջոցով Հայաստանի Հանրապետությունն առավել արդյունավետ կիրացնի իր բաժնեմասնակցությունն ընկերությունում»,– ասաց Մաթևոսյանը։
Ըստ որոշման` հավատարմագրային կառավարման դիմաց ԱՆԻՖ-ը վարձատրություն չի ստանալու։ Կառավարությունը փոխհատուցելու է միայն հավատարմագրային կառավարման ընթացքում կատարած ծախսերը։ Իսկ թե ինչ կարգով ու ինչ չափով, կառավարությունը կորոշի 6-ամսյա ժամկետում։
ՀՀ վարչապետ Նիկոլ Փաշինյանը հարցի քննարկման ժամանակ հիշեցրեց, որ Զանգեզուրի պղնձամոլիբդենային կոմբինատի բաժնետոմսերի 15%–ը պետությանը փոխանցելու որոշումը շատերի մոտ կասկածներ էր առաջացրել։
«Այն, որ պետությունն իր հիմնական ռազմավարական ակտիվից երկար տարիներ զրկված է եղել, դա, փաստորեն, կասկածելի չէր, իսկ այն, որ պետությունը ձեռք է բերում, ոմանք փորձում են դրա մեջ կոռուպցիոն հետքեր ու գործարքներ գտնել։ Ես ուշում եմ պարզաբանել, որ կոռուպցիայի արդյունքում պետությունը ոչ թե ստանում, այլ կորցնում է։ Եվ դա մենք տեսել ենք` սկսած 2000-ականներից, երբ պետական պաշտոնյաների հետ փոխկապակցված անձինք դարձել են Զանգեզուրի պղնձամոլիբդենային կոմբինատի բաժնետերեր»,– ասաց Փաշինյանը։
Հիշեցնենք` 2021թ–ի դեկտեմբերի 3-ին ԱՆԻՖ–ի տնօրեն Դավիթ Փափազյանը հայտարարել էր, որ ֆոնդը պատրաստ է ստանձնել Զանգեզուրի պղնձամոլիբդենային կոմբինատի բաժնետոմսերի կառավարումը, եթե ՀՀ կառավարությունը նման որոշում կայացնի:
ПОСЛЕДНИЕ ОТ АВТОРА
-
New2025-03-13 19:35Подход Армении – проект «Перекресток мира», и мы готовы реализовать все, что вписывается в этот проект. Об этом сегодня, 13 марта, в беседе с журналистами возле офиса «ГД» заявил премьер-министр Никол Пашинян, отвечая на вопрос, исключает ли он возможность предоставления Азербайджану на каком-то этапе дороги, коридора или какой-либо территории через Мегри.
-
New2025-03-13 19:33Израиль сегодня нанес ракетный удар по району Тумар на западе Дамаска, где проживают несколько армянских семей. Об этом сообщает газета "Гандзасар".
-
2025-03-13 19:02Министерство иностранных дел Ирана вызвало послов Великобритании, Франции и Германии в связи с их участием в закрытой встрече в Совете Безопасности ООН, посвященной иранской ядерной программе.
-
2025-03-13 19:00МИД Азербайджана поставил условия для подписания мирного соглашения с Арменией.