2022-01-08 09:39
Информагентства
ՂԱԶԱԽՍՏԱՆՈՒՄ ՏԵՂԻ ՈՒՆԵՑՈՂ ԴԵՊՔԵՐԸ ԿԱՐՈՂ ԵՆ ՈՒՆԵՆԱԼ ՆԱև ԹՈՒՐՔԱԿԱՆ ՀԵՏՔ․ Ռուբեն ՄԵԼՔՈՆՅԱՆ
Թուրքիայում պանթուրքիզմի քաղաքականությունը, կամ թյուրքալեզու պետությունների, ժողովուրդների հանդեպ քողարկված օկուպացիոն քաղաքականությունը ունի պետական գաղափարախոսության կարգավիճակ։ Այս մասին Panorama.am-ի հետ զրույցում ասաց թուրքագետ Ռուբեն Մելքոնյանը՝ մենաբանելով Ղազախստանում տիրող իրավիճակը։
Թուրքագետը հիշեցրեց, որ Թուրքիայի ազգայնական կուսակցության ղեկավարը Թուրքիայի նախագահին հրապարակավ նվիրեց թյուրքական աշխարհի քարտեզ, որտեղ ընդգծված են Թուրքիայի հետաքրքրության տիրույթում գտնվող երկրների։ Ղազախստանն էլ դրանցից մեկն է և ունի կարևոր նշանակություն։
«Թուրքիան կենտրոնասիական պետությունների և թյուրքական ժոովուրդներով բնակեցված տարածքների հանդեպ իրականացնում է իրականացնում է սողացող պնաթուրքիզմի քաղաքականություն։ Պարզ է, որ Ղազախստանում այս դեպքերն ուղղակի կամ անուղղակի կարող են ունենալ նաև թուրքական հետք»,- ըդգծեց թուրքագետը։
Մելքոնյանի խոսքով ՝ Խորհրդային միության փլուզումից հետո Թուրքիանհետխորհրդային երկրներում, ներառյալ՝ Ղազախստանում իրականացրել է մշակութային, կրական և տնտեսական ծրագրեր։ «Այսինքն՝ այդ երկրներում ակնհայտ է թուրքկան կրթական, տնտեսական և քարոզչական ներկայությունը։ Հիմնական նպատակն է ՝ այդ երկրներում հասարակությունների շրջանում պանթուրքիզմի, Թուրքիայի հանդեպ եղբայրական մոտեցումների ավելացումն է։ Սրա աճն ուղիղ համեմատական է հակառուսականության աճին։ Այսինքն՝ որքան մեծ են պանթուրքիզմի տրամադրությունները հասարակության մեջ, նույնքան ավելանում են հակառուսական քարոզչությունը։
Գաղափարախոսությունը հետևյալում է՝ պետք է թոթափել ռուսական «օկուպացիան» և միավորվել թյուրքական պետություններով»,- ասաց թուրքագետն ու հավելեց․
«Ղազախստանում այս հուզումների մեջ Թուրքիան ունի հստակ շահագրգրվածություն՝ Ռուսաստանից «պոկելու» կամ թուրքական ազդեցությունը մեծացնելու »։
Այնդրադառնալով Ղազախստանում տիրող իրավիճակի ազդեցությանը Հայաստանի վրա, Մելքոնյանն ասաց, որ դրանք ուղիղ վտանգ են նաև Հայաստանի համար։ Նրա խոսքով՝ որքան պանթուրքիզմի գաղափարն ընդլայնվում է, այդքան սեղմվելու է Հայաստանի շուրջ։
«Օրինակ՝ «Զանգեզուրի միջանցք» կոչված գաղափարն աջակիցներ է ստանալու ։ Եթե հիմա միայն Թուրքիան և Ադրբեջանն են, ապա այդ գաղափարին միանալու են թյուրքալեզու այլ պետություններ ևս, օրինակ՝ Ղազախստանը։ Այսինքն՝ սա ուղիղ Հայաստանի շահերին առնչվող խնդիր է»,- ասաց թուրքագետը։
Panorama.am
ПОСЛЕДНИЕ ОТ АВТОРА
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.
-
2025-05-10 13:57Секретарь фракции «Честь имею» Национального собрания Армении Тигран Абрамян написал: