Պետությունը քաղաքացուն տուգանում է` անտեսելով իր թերությունները. Թաթոյան
Պետությունը քաղաքացուն տուգանում է` անտեսելով իր թերությունները։ Նման եզրահանգման է եկել Հայաստանի մարդու իրավունքների պաշտպան Արման Թաթոյանը` ուսումնասիրելով ճանապարհային երթևեկության ոլորտի խնդիրները։ Դրանք նա ներկայացրել է Facebook-ի իր էջում։
«Օրինակ՝ արագաչափ սարքերի համար տեղադրված զգուշացնող նշանները չունեն որևէ լուսավորություն, տեսանելիության համար անհամաչափ փոքր են: Հաճախ «թաքնված են» ծառերի կամ շինությունների հետևում: Շատ են դեպքերը, երբ բացակայում են արագության սահմանափակումը ցուցադրող նշանները: Չկան արագաչափին մոտեցող մեքենայի արագությունը ցուցադրող սարքեր»,– նշում է ՄԻՊ–ը:
Թաթոյանը նկատում է, որ հատկապես Երևանից դուրս չլուսավորված փողոցների պատճառով է, որ արագաչափ սարքերն ու զգուշացնող նշաններն ընդհանրապես չեն երևում: Իսկ ճանապարհների գծանշումների (օրինակ՝ հոծ գծերի) բացակայությունը ու մի շարք այլ գործոններ ավելին են սրում խնդիրը և ավելացնում վթարների կամ պարզապես խախտումների ռիսկը:
Լուսավորություն չունեն կամ արտահայտված տեսանելի չեն հետիոտնային անցումները, ինչն էլ իր հերթին լուրջ խնդիր է առաջացնում թե՛ հետիոտների, թե՛ վարորդների իրավունքների պաշտպանության տեսանկյունից:
«Քանի դեռ պետությունը լիարժեք չի կատարել իր պարտավորությունները մարդու նկատմամբ, չի կարող ապահովել նրա աչքերում արդարացիության ընկալում իր արարքների, այդ թվում՝ տուգանքի համար»,– եզրակացնում է Թաթոյանը:
ՄԻՊ–ը խոստանում է, որ կբարձրացնի հարցը և կնախաձեռնի պետական պատասխանատու մարմիններին ուղղված անհրաժեշտ լուծումների առաջարկներ:
ПОСЛЕДНИЕ ОТ АВТОРА
-
New2022-05-21 19:4463Азербайджанские подразделения в субботу открыли огонь по позициям ВС Армении. Об этом сообщает пресс-служба Минобороны Армении.
-
New2022-05-21 18:16149Представители Движения сопротивления 21 мая проводят митинг на площади Франции в Ереване.
-
New2022-05-21 16:29147В контексте ответных мер на постоянно вводимые США антироссийские санкции и в связи с поступающими запросами о персональном составе нашего национального «стоп-листа», МИД России публикует перечень американских граждан, которым закрыт въезд в Российскую Федерацию на постоянной основе. Об этом говорится в заявлении российского внешнеполитического ведомства.
-
New2022-05-21 16:27171Как передает Арменпресс, в форуме принимают участие более 25 местных и международных спикеров, более 30 компаний, более 1000 участников.
