2022-01-11 09:20
Информагентства
Ուենդի Շերման. ԱՄՆ-ը եւ ՌԴ-ն Ժնեւում հաստատել են, որ միջուկային պատերազմում հնարավոր չէ հաղթել
ԱՄՆ-ի եւ ՌԴ-ի պատվիրակությունները Ժնեւում հաստատել են, որ միջուկային պատերազմը չի կարելի հաղթել եւ այն չպետք է սանձազերծվի, անվտանգության երաշխիքների վերաբերյալ Ռուսաստանի եւ Միացյալ Նահանգների միջեւ բանակցություններից հետո կայացած ճեպազրույցում լրագրողներին ասել է ԱՄՆ պետքարտուղարի առաջին տեղակալ Ուենդի Շերմանը, հաղորդում է «ՌԻԱ Նովոստին»։
«ԱՄՆ-ը եւ Ռուսաստանը համաձայն են, որ միջուկային պատերազմում հնարավոր չէ հաղթել եւ երբեք չպետք է սկսվի»,- Ժնեւից կայացած հեռախոսային ճեպազրույցում ասել է Պետդեպարտամենտի ներկայացուցիչը։
Նրա խոսքով՝ Վաշինգտոնը բաց է Եվրոպայում հրթիռների տեղակայման հարցը քննարկելու համար։ «Մենք հստակ հասկացրել ենք, որ ԱՄՆ-ը բաց է Եվրոպայում կոնկրետ հրթիռային համակարգերի ապագայի քննարկման համար՝ Միջին եւ փոքր հեռահարության հրթիռների [ոչնչացման] մասին պայմանագրի լույսի ներքո»,- ասել է Շերմանը:
Նա նշել է, որ Ռուսաստանն ու ԱՄՆ-ը Ժնեւում կայացած հանդիպման ժամանակ մտքեր են փոխանակել միջին եւ փոքր հեռահարության հրթիռների վերաբերյալ, սակայն պայմանավորվածությունների ձեռքբերումը մեծ աշխատանք է պահանջում։ «Սրանք բանակցություններ չէին։ Մենք մեր գաղափարները դրեցինք սեղանին: Մենք երկար ճանապարհ ունենք անցնելու, բայց, անշուշտ, միջին հեռահարության հրթիռների հետ կապված մտահոգությունները մնում են»,- ասել է նա:
Նրա խոսքով՝ Ռուսաստանի եւ Ուկրաինայի սահմանից ռուսական զորքերի վերադարձը զորանոցներ կարող էր Ուկրաինա ռուսական պոտենցիալ «ներխուժման» պլանների բացակայության ապացույց լինել: Այն հարցին, թե արդյոք Մոսկվան այժմ քայլեր կձեռնարկի ռուս-ուկրաինական սահմանին իրավիճակը թուլացնելու համար, նա պատասխանել է. «Չեմ կարծում, որ մենք գիտենք այս հարցի պատասխանը»: «Նրանք կարող են ապացուցել, որ մտադիր չեն ներխուժել [Ուկրաինա]՝ զորքերը վերադարձնելով իրենց զորանոցներ, կամ կարող են մեզ ասել, թե ինչ զորավարժություններ են անցկացվում եւ որն է դրանց նպատակը»,- ասել է Շերմանը, ով գլխավորել է ամերիկյան պատվիրակությունը, հայտնում է ՏԱՍՍ-ը։
News.am
ПОСЛЕДНИЕ ОТ АВТОРА
-
2025-07-18 20:14Исполняющий обязанности директора ЗАО "Электрические сети Армении" Давид Казинян сообщил журналистам, что ни одно из последних 11 дел, открытых Комиссией по регулированию общественных услуг (КРОУ), не связано с отключениями электроэнергии.
-
2025-07-18 20:07Властям Армении могли понадобиться голоса 6800 сотрудников "Элсетей Армении" на предстоящих в 2026 году выборах, сказал журналистам исполняющий обязанности директора ЗАО "Электрические сети Армении" Давид Казинян.
-
2025-07-18 20:03Экс-депутат парламента Армении Рубен Акопян задержан. Об этом Sputnik Армения сообщили в Следственном комитете.
-
2025-07-18 20:02С 21 июля Армению накроют теплые тропические воздушные массы, сообщил заместитель главы Центра гидрометеорологии и мониторинга Гагик Суренян.