2022-01-12 09:31
Информагентства
Ադրբեջանին կոչ ենք անում զերծ մնալ սադրանքներից, կատարել Սոչիում եւ Բրյուսելում ստանձնած հանձնառությունը․ ՀՀ ԱԳՆ
Խստորեն դատապարտում ենք այսօր՝ հունվարի 11-ին, ՀՀ արևելյան սահմանագոտու ուղղությամբ Ադրբեջանի զինված ուժերի կողմից հրետանային միջոցների և անօդաչու թռչող սարքերի կիրառմամբ ուղեկցված հրադադարի ռեժիմի կոպիտ խախտումը, ինչի հետևանքով զոհվել են ՀՀ ԶՈՒ զինծառայողներ Արթուր Արտյոմի Մխիթարյանը և Ռուդիկ Ռաֆիկի Ղարիբյանը, ևս երկու զինծառայողներ վիրավորվել են: Խորին ցավակցություն ենք հայտնում զոհված զինծառայողների ընտանիքներին ու հարազատներին և շուտափույթ ապաքինում մաղթում վիրավորված զինծառայողներին: Այս մասին ասված է ՀՀ ԱԳՆ տարածած հայտարարությունում։
«Ադրբեջանական զինված ուժերի ստորաբաժանումների սադրանքը հերթական դրսևորումն է Հայաստանի տարածքային ամբողջականության նկատմամբ Ադրբեջանի շարունակական ոտնձգությունների, որոնք սկիզբ են առել 2021թ․ մայիսի 12-ից ՀՀ ինքնիշխան տարածք ներթափանցմամբ և շարունակվել պարբերական զինված հարձակումներով։
Հայաստանի Հանրապետությունը միջազգային հանրության ուշադրությունն է հրավիրում այն փաստին, որ պաշտոնական Բաքուն, շարունակելով ոտնձգությունները Հայաստանի Հանրապետության ինքնիշխանության և տարածքային ամբողջականության նկատմամբ, խախտում է միջազգային իրավունքի հիմնարար սկզբունքները, այդ թվում՝ ՄԱԿ-ի կանոնադրությունը, և խաթարում տարածաշրջանային անվտանգությունը:
Հայկական կողմը բազմիցս նշել է, որ իրավիճակի հետագա սրացումից խուսափելու միջոցներից մեկը կարող է լինել հայ-ադրբեջանական սահմանագծից զորքերի հայելային հետքաշումը և սահմանագծի երկայնքով միջազգային մոնիթորինգի մեխանիզմի գործարկումը:
Ադրբեջանական իշխանություններին կոչ ենք անում զերծ մնալ սադրիչ գործողություններից և կատարել Սոչիի եռակողմ հայտարարությամբ և բրյուսելյան հանդիպման արդյունքներով ստանձնած՝ տարածաշրջանում կայունության հաստատման հանձնառությունը»,- նշված է հայտարարությունում։
News.am
ПОСЛЕДНИЕ ОТ АВТОРА
-
New2025-04-21 15:31Традиционное факельное шествие, запланированное на 23 апреля, в этом году приобретает особенно актуальное звучание и иную смысловую нагрузку. Об этом заявила депутат оппозиционной фракции "Айастан" Кристине Варданян в беседе с журналистами.
-
New2025-04-21 15:29Минобороны Армении подтвердило сообщения об обстреле азербайджанскими ВС армянского села Хознавар.
-
New2025-04-21 15:24Группа арцахцев встретилась с президентом Карабаха Самвелом Шахраманяном, чтобы обсудить вопрос «грабежа».
-
New2025-04-21 15:22По случаю 110-й годовщины Геноцида армян в Музее-институте Геноцида армян 23 апреля в 15:00 откроется временная выставка под названием «Документируя преступление: очевидцы-документалисты Геноцида армян». Об этом заявила на встрече с журналистами 21 апреля директор Музея-института Геноцида армян Эдита Гзоян.