ՌԴ ԱԳՆ. ՆԱՏՕ-ի հետագա ընդլայնումը հղի է ռիսկերով, որոնք կգերակշռեն այս ընդլայնմանը

ՆԱՏՕ-ի հետագա ընդլայնումը հղի է ռիսկերով, որոնք կգերակշռեն այս ընդլայնմանը, հայտարարել է ՌԴ փոխարտգործնախարար Ալեքսանդր Գրուշկոն, փոխանցում է «ՌԻԱ Նովոստին»։

«Մենք նաեւ ելնում ենք այն փաստից, որ եվրոպական անվտանգության ամրապնդման ռացիոնալ շահերը պահանջում են հստակ գիտակցում, որ դաշինքի հետագա ընդլայնումը հղի է ռիսկերով, որոնք կգերակշռեն այս ընդլայնման վերաբերյալ ցանկացած որոշմանը»,- ասել է նա ՆԱՏՕ-ի հետ Ռուսաստանի բանակցություններին հաջորդած ճեպազրույցի ժամանակ։

«Եթե ՆԱՏՕ-ն անցնում է զսպման քաղաքականության, նշանակում է մեր կողմից հակազսպման քաղաքականություն կլինի»,- ասել է նա: Նրա խոսքով՝ «իրավիճակի հետագա վայրընթացը կարող է հանգեցնել եվրոպական անվտանգության ամենաանկանխատեսելի եւ ամենածանր հետեւանքների»։ «Ռուսաստանը համաձայն չէ նման սցենարի հետ, եւ այն միջոցները, որոնք մենք առաջարկում ենք, եւ ինչպես դրանք ամրագրված են համաձայնագրի նախագծում, թույլ են տալիս արմատապես զարգացնել այս իրավիճակը, վերադառնալ եվրոպական անվտանգության կերտմանը»,- հավելել է փոխնախարարը։

Գրուշկոն նշել է, որ Ռուսաստանի առաջարկը «համալիր բնույթ է կրում, մեր առաջարկի բոլոր տարրերը փոխկապակցված են»։

2021 թվականի վերջին Ռուսաստանը անվտանգության երաշխիքների վերաբերյալ ԱՄՆ-ի հետ պայմանագրի եւ ՆԱՏՕ-ի հետ համաձայնագրի նախագծեր է հրապարակել։ Մոսկվան, մասնավորապես, իր արեւմտյան գործընկերներից դեպի արեւելք ՆԱՏՕ-ի հետագա ընդլայնումից, ուկրաինական բլոկին միանալուց եւ հետխորհրդային երկրներում ռազմաբազաներ ստեղծելուց հրաժարվելու իրավական երաշխիքներ է պահանջում։

News.am