2022-01-13 15:43
Информагентства
Պեսկովը՝ ԱՄՆ-ի հնարավոր պատժամիջոցների մասին
Անվտանգության շուրջ շարունակվող բանակցությունների ընթացքում ԱՄՆ-ի հնարավոր նոր պատժամիջոցների մասին հաղորդագրությունները Ռուսաստանի վրա ճնշում գործադրելու փորձ է, այն ի սկզբանե անիմաստ է։ Լրագրողների հետ զրույցում նման կարծիք է հայտնել Ռուսաստանի նախագահի մամուլի քարտուղար Դմիտրի Պեսկովը:
«Իհարկե խիստ բացասական ենք գնահատում նման փաստաթղթերի հայտնվելը և նման հայտարարությունները։ Հատկապես շարունակվող բանակցությունների ֆոնին։ Թեկուզ անհաջող, բայց բանակցությունների։ Իհարկե, այդ հայտարարությունների ու բանակցությունների համընկնումը Մոսկվայի վրա ճնշում գործադրելու փորձ է, այն ի սկզբանե անիմաստ է»,–լրագրողների հետ զրույցում ասել է Պեսկովը:
Նշենք, որ օրերս իշխող Դեմոկրատական կուսակցությունից սենատորների ներկայացրած օրինագիծն առաջարկում է Ուկրաինայի շուրջ իրադրության սրման դեպքում ցավոտ պատժամիջոցներ սահմանել ռուսական տնտեսության առանցքային ճյուղերի, պետական պարտքի ու պետության առաջին դեմքերի, այդ թվում՝ նախագահ Վլադիմիր Պուտինի դեմ:
Հունվարի 12–ին Բրյուսելում տեղի է ունեցել Ռուսաստան-ՆԱՏՕ խորհրդի նիստը։ Հանդիպումն անցկացվել է որպես հունվարի 9-10-ը Ժնևում կայացած Ռուսաստանի ու ԱՄՆ-ի միջև անվտանգության երաշխիքների շուրջ բանակցությունների շարունակություն: Ռուսաստան-ՆԱՏՕ խորհրդի նիստի հաջորդ օրը կոնսուլտացիաներ կանցկացվեն Եվրոպայի անվտանգության ու համագործակցության կազմակերպության Վիեննայի հարթակում:
2021 թվականի վերջին Ռուսաստանը հրապարակել է ԱՄՆ-ի հետ պայմանագրի և անվտանգության երաշխիքների վերաբերյալ ՆԱՏՕ-ի հետ համաձայնագրի նախագծերը։ Մոսկվան, մասնավորապես, պահանջում է արևմտյան գործընկերներից իրավաբանական երաշխիքներ տալ, որ իրենք հրաժարվում են ՆԱՏՕ-ի հետագա ընդլայնումից դեպի արևելք, Ուկրաինայի՝ դաշինքին միանալուց ու հետխորհրդային երկրներում ռազմակայանների ստեղծումից, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.
-
2025-05-10 13:57Секретарь фракции «Честь имею» Национального собрания Армении Тигран Абрамян написал: