Հային խոշտանգելը խրախուսվում է Ադրբեջանի իշխանության կողմից. Թաթոյանը` Բաքվի ջարդերի մասին
ՀՀ մարդու իրավունքների պաշտպան Արման Թաթոյանը Բաքվի հայերի ջարդերի 32-րդ տարելիցի հետ կապված գրառում է արել Facebook-ի իր էջում։
«32 տարի առաջ այս օրը սկիզբ առած Բաքվի հայերի ջարդերը պետական հովանավորչությամբ հայատյացության ուղիղ հետևանք էին. այսօր լրանում է այդ ջարդերի 32-րդ տարելիցը` 3-րդը Բաքվում հայերի 1905թ. և 1918թ. զանգվածային ջարդերից հետո»,– գրել է նա:
Նշենք, որ 1990թ. հունվարի 13- 20–ը Ադրբեջանի մայրաքաղաք Բաքվում տեղի ունեցած հայկական ջարդերի հետևանքով սպանվեցին, ունեզրկվեցին և խոշտանգման ենթարկվեցին բազմաթիվ հայեր: Մինչ այդ վայրագությունները Բաքվում ապրում էր 230-250 հազար հայ:
Փաստերը հաստատում են, որ Բաքվում հայերի ջարդերը կազմակերպվել էին Ադրբեջանի ժողովրդական ճակատի (ԱԱՃ) կողմից, իսկ իշխանությունները հովանավորել են դրանք:
«Բաքվի հայերի ջարդերի կազմակերպիչ Ադրբեջանի ժողովրդական ճակատի առաջնորդներից Էթիբար Մամեդովը 1990թ. հունվարին ասել է. «Ես անձամբ վկա էի, երբ երկաթուղային կայարանից ոչ հեռու սպանեցին երկու հայի: Հավաքվել էր ամբոխը, նրանց վրա բենզին լցրին և այրեցին, իսկ երկու հարյուր մետր հեռվում Նասիմի շրջանի միլիցիայի բաժանմունքն էր, այնտեղ կային ներքին զորքերի 400-500 զինվոր, որոնք մեքենայով` 20 մետրի վրա, անցան այդ ածխացած դիակների մոտով և ոչ ոք փորձ չարեց ցրել ամբոխը»»,–մեջբերել է Թաթոյանը:
Ադրբեջանի ազգային ճակատի` հունվարի 11-ի հանրահավաքի ընթացքում Բաքվից հայերի վտարման և դեպի Ղարաբաղ լայնածավալ զինված արշավի կոչեր հնչեցին:
Հունվարի 13-ին Բաքվում հայերի ջարդերն արդեն կազմակերպված և համատարած բնույթ ստացան։ Նույն օրը երեկոյան մոտ 50,000 ամբոխը, վանկարկելով «Փա՛ռք Սումգայիթի հերոսներին», «Կեցցե՛ Բաքուն՝ առանց հայերի» և այլ կարգախոսներ, հավաքվեց Բաքվի Լենինի հրապարակում՝ հանրահավաքի:
Այնուհետև Ճակատի ակտիվիստների ղեկավարությամբ խմբերի բաժանվելով` ջարդարարները սկսեցին հետևողական կերպով տուն առ տուն քաղաքը «մաքրել» հայերից: Առկա են բազմաթիվ վկայություններ՝ բացառիկ դաժանությամբ իրագործված վայրագությունների ու սպանությունների մասին։ Օրինակ՝ մարդկանց պատուհաններից դուրս նետելու, երկաթե ձողերով ու դանակներով սպանելու, կանանց բռնաբարելու, ողջակիզելու դեպքեր:
Տարբեր տվյալներով` սպանվել է մինչև 450 ու դրանից ավելի մարդ:
«Ապացույցները հաստատում են, որ հայատյացությունն այդ ժամանակներից ի վեր ոչ միայն չի պակասել, այլ հետագա տարիներին ականատես ենք եղել ավելի դաժան դրսևորումների: Հայասպանությունը, ազգությամբ հային խոշտանգելը խրախուսվել է Ադրբեջանի իշխանության մարմինների կողմից»,–գրել է Թաթոյանը, տեղեկացնում է Sputnik Արմենիա-ն:
Նա հիշեցրել է 2004թ. փետրվարին Բուդապեշտում միջազգային դասընթացի ժամանակ ադրբեջանական բանակի սպա Ռամիլ Սաֆարովի կողմից քնած հայ սպա Գուրգեն Մարգարյանի դաժան սպանությունը կացնով։ Սաֆարովը հետագայում հանձնվեց Ադրբեջանին ու դրանից հետո ոչ միայն ազատ արձակվեց, այլ նաև արժանացավ բարձրագույն մակարդակի հերոսացման:
Թաթոյանը նաև հիշեցրել է Արցախի բնակչության դեմ 2016թ. ապրիլյան ու 2020թ. սեպտեմբեր-նոյեմբեր ամիսների պատերազմների ընթացքում ադրբեջանցիների կողմից հայկական կողմի քաղաքացիական անձանց ու զինծառայողների դաժան սպանությունների, խոշտանգումների, մարմինների անարգանքի բազմաթիվ դեպքերի մասին:
Պաշտպանը ևս մեկ անգամ ընդգծել է, որ միջազգային հանրությունն ու հատկապես մարդու իրավունքների պաշտպանության մանդատ ունեցող միջազգային կառույցները պետք է վճռական քայլերով նպաստեն հայատյացության ու թշնամանքի դատապարտելի քարոզչությունը կանխելուն:
ПОСЛЕДНИЕ ОТ АВТОРА
-
New2023-09-26 09:3056Закутав рот, как влажную розу, Держа в руках осьмигранные соты, Все утро дней на окраине мира Ты простояла, глотая слезы. И отвернулась со стыдом и скорбью От городов бородатых востока, И вот лежишь на москательном ложе, И с тебя снимают посмертную маску... О. Мандельштам из цикла «Армения»
-
New2023-09-26 09:2150Вооруженные формирования Арцаха под контролем российских миротворцев сдали 8 единиц бронетехники, 37 единиц орудий полевой артиллерии, РСЗО и минометов, более 3200 единиц стрелкового оружия, противотанковых средств и ПЗРК, около 435 тыс. боеприпасов, сообщает пресс-служба Минобороны РФ.
-
New2023-09-26 09:2061Представители Арцаха и Азербайджана, встретившиеся в понедельник в Иваняне, месте постоянной дислокации российских миротворцев, при посредничестве российской стороны обсудили ряд гуманитарных вопросов.
-
New2023-09-26 09:1569Чтобы спасти жизни пострадавших от взрыва склада топлива в Арцахе, существует острая необходимость их эвакуации воздушным путем. Об этом пишет омбудсмен Арцаха Гегам Степанян.
