Последние новости

Ռայիսի. Իրանին այլևս չի անհանգստացնում նավթի վաճառքը

Չնայած Իրանի իշխանությունները ցանկանում են հասնել պատժամիջոցների հանմանը, նրանց այլևս չի անհանգստացնում նավթի վաճառքը։ Այս մասին ասել է նախագահ Էբրահիմ Ռայիսին, տեղեկացնում է Mehr-ը։

«Չնայած պատժամիջոցները հանելու ձգտումը լրջորեն դրված է օրակարգում, 13-րդ կառավարությունում պատժամիջոցների չեղարկման ջանքերը կապված չէին բանակցությունների հետ, այնպես որ այսօր, պատժամիջոցների տակ գտնվելով, ինչպես և նախկինում, նավթի մեր վաճառքը այնքան է ավելացել, որ մենք այլևս անհանգստանալու բան չունենք»,- ուրբաթ գրել է Էբրահիմ Ռայիսին Թվիթերի իր պաշտոնական օգտահաշվում։

Նա ավելացրել է, որ նավթի վաճառքից ստացված եկամուտները վերադառնում են երկիր։

Թվիթը հայտնվել է այն բանից հետո, երբ Ռայիսին ասել էր, որ նավթի արտահանումն իր վարչակազմի օրոք ավելացել է 40 տոկոսով, տեղեկացնում է News.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ