2022-01-14 14:11
Информагентства
0
Արցախի ԱԳՆ․ Բարձր ենք գնահատում ռուս խաղաղապահների առաքելությունն Արցախում
Արցախի Հանրապետության արտաքին գործերի նախարարություն հայտարարությամբ է հանդես եկել։
«Մի շարք լրատվամիջոցներին վերջերս տված հարցազրույցում Ադրբեջանի Հանրապետության նախագահ Իլյամ Ալիևը, անդրադառնալով ադրբեջանա-ղարաբաղյան հակամարտության կարգավորմանը և տարածաշրջանային գործընթացներին, կրկին օգտագործել է հայատյաց, ապակառուցողական, ծավալապաշտական բառապաշար և գաղափարներ՝ հնչեցնելով դրանց համապատասխանող ծրագրեր ու նպատակներ։
Նման քաղաքականությունը միջազգային իրավունքի, միջազգային մարդասիրական իրավունքի և ձեռք բերված պայմանավորվածությունների կոպտագույն խախտում է։ Այն նպատակ ունի տորպեդացնելու խաղաղության հաստատման ու կայունության պահպանման նախաձեռնություններն ու ապամոնտաժելու գոյություն ունեցող ձևաչափերը։
Ադրբեջանի ղեկավարը հատուկ թիրախավորել է նաև ԵԱՀԿ Մինսկի խմբի համանախագահության և համանախագահող երկրներից մեկի՝ Ռուսաստանի Դաշնության կողմից Արցախում իրականացվող խաղաղապահ առաքելությանը՝ անհեթեթ մեղադրանքներ հնչեցնելով նրանց գործունեության դեմ։
ԵԱՀԿ Մինսկի խմբի համանախագահության ձևաչափը հանդիսանում է ադրբեջանա-ղարաբաղյան հակամարտության կարգավորման բոլոր կողմերի միջև համաձայնեցված միակ ձևաչափը։
Մենք բարձր ենք գնահատում ռուս խաղաղապահ զորակազմի առաքելությունն Արցախում և անընդունելի համարում նրանց գործունեության վրա ստվեր գցելու ցանկացած փորձ։
Արցախի Հանրապետության ԱԳՆ-ը խստիվ դատապարտում է Ադրբեջանի պահվածքը՝ համոզված լինելով, որ պետական մակարդակով իրականացվող այսպիսի քաղաքականությունը պետք է արժանանա համապատասխան գնահատականի նաև միջազգային հանրության կողմից», - նշված է հայտարարությունում, տեղեկացնում է Aysor.am-ը։
ПОСЛЕДНИЕ ОТ АВТОРА
-
New2024-09-17 09:19Компания "Росатом Сервис" начала обследование хранилища радиоактивных отходов Армянской АЭС, сообщает издание "Атом медиа".
-
New2024-09-17 09:18Центральный банк России разработает правила, облегчающие открытие филиалов для банков из дружественных стран в РФ. Об этом говорится в обзоре "Основные направления развития финансового рынка РФ на 2026-2027 годы".
-
2024-09-16 19:58Госсекретарь США Энтони Блинкен провел телефонный разговор с президентом Азербайджаном Ильхамом Алиевым.
-
2024-09-16 19:56Армянская теннисистка Элина Аванесян на прошедшей в Ереване пресс-конференции рассказала, что ее корни из Арцаха и дома она разговаривает с родителями в том числе на арцахском диалекте.
