2022-01-14 14:11
Информагентства
Արցախի ԱԳՆ․ Բարձր ենք գնահատում ռուս խաղաղապահների առաքելությունն Արցախում
Արցախի Հանրապետության արտաքին գործերի նախարարություն հայտարարությամբ է հանդես եկել։
«Մի շարք լրատվամիջոցներին վերջերս տված հարցազրույցում Ադրբեջանի Հանրապետության նախագահ Իլյամ Ալիևը, անդրադառնալով ադրբեջանա-ղարաբաղյան հակամարտության կարգավորմանը և տարածաշրջանային գործընթացներին, կրկին օգտագործել է հայատյաց, ապակառուցողական, ծավալապաշտական բառապաշար և գաղափարներ՝ հնչեցնելով դրանց համապատասխանող ծրագրեր ու նպատակներ։
Նման քաղաքականությունը միջազգային իրավունքի, միջազգային մարդասիրական իրավունքի և ձեռք բերված պայմանավորվածությունների կոպտագույն խախտում է։ Այն նպատակ ունի տորպեդացնելու խաղաղության հաստատման ու կայունության պահպանման նախաձեռնություններն ու ապամոնտաժելու գոյություն ունեցող ձևաչափերը։
Ադրբեջանի ղեկավարը հատուկ թիրախավորել է նաև ԵԱՀԿ Մինսկի խմբի համանախագահության և համանախագահող երկրներից մեկի՝ Ռուսաստանի Դաշնության կողմից Արցախում իրականացվող խաղաղապահ առաքելությանը՝ անհեթեթ մեղադրանքներ հնչեցնելով նրանց գործունեության դեմ։
ԵԱՀԿ Մինսկի խմբի համանախագահության ձևաչափը հանդիսանում է ադրբեջանա-ղարաբաղյան հակամարտության կարգավորման բոլոր կողմերի միջև համաձայնեցված միակ ձևաչափը։
Մենք բարձր ենք գնահատում ռուս խաղաղապահ զորակազմի առաքելությունն Արցախում և անընդունելի համարում նրանց գործունեության վրա ստվեր գցելու ցանկացած փորձ։
Արցախի Հանրապետության ԱԳՆ-ը խստիվ դատապարտում է Ադրբեջանի պահվածքը՝ համոզված լինելով, որ պետական մակարդակով իրականացվող այսպիսի քաղաքականությունը պետք է արժանանա համապատասխան գնահատականի նաև միջազգային հանրության կողմից», - նշված է հայտարարությունում, տեղեկացնում է Aysor.am-ը։
ПОСЛЕДНИЕ ОТ АВТОРА
-
New2025-04-18 13:43Нелюдь, который делает безнравственное заявление о невмешательстве в борьбу, по крайней мере, понимает ли, в какое психологическое состояние он ставит родственников погибших в сентябре 2023 года, ценой чьей самой дорогой потери народ Арцаха был спасен от полного физического уничтожения, - написал Защитник прав человека Арцаха Гегам Степанян.
-
New2025-04-18 13:21Армения проголосовала за резолюцию Генассамблеи ООН, содержащую обвинения в отношении России.
-
New2025-04-18 13:18Скандал вокруг заявления депутата парламента Армении от правящей фракции «Гражданский договор» Хачатура Сукиасяна набирает обороты.
-
New2025-04-18 13:16США в четверг начали сокращать численность своего воинского контингента в Сирии, пишет газета The New York Times.