2022-01-18 12:44
Информагентства
ՆԱՏՕ-ն հուսով Է, որ Ադրբեջանի հետ լայն գործնական համագործակցությունը կշարունակվի
ՆԱՏՕ-ն հույս ունի ապագայում շարունակել բարձր մակարդակի քաղաքական երկխոսությունը և լայն գործնական համագործակցությունը Ադրբեջանի հետ, հայտնել են դաշինքում:
«Վերջերս տարածաշրջան կատարած իր այցի ընթացքում ՆԱՏՕ-ի Գլխավոր քարտուղարի Կովկասի և Կենտրոնական Ասիայի հարցերով հատուկ ներկայացուցիչ Խավիեր Կոլոմինան հանդիպել է Ադրբեջանի մի շարք պաշտոնյաների հետ։ Հանդիպումների ընթացքում քննարկվել են ՆԱՏՕ-ի և Ադրբեջանի միջև համագործակցության, այդ թվում՝ «Պլանավորման և վերլուծության գործընթաց» ծրագրի շրջանակներում ադրբեջանական իշխանությունների հետ փոխգործակցության վերսկսման հարցերը», - ասել են կազմակերպությունում:
Ինչ վերաբերում է Հարավային Կովկասում տիրող իրավիճակին, ապա ՆԱՏՕ-ում նշել են, որ Հյուսիսատլանտյան դաշինքը հույս ունի տեսնել Հայաստանի և Ադրբեջանի միջև հարաբերությունների կարգավորման քայլերը:
«Հայաստանն ու Ադրբեջանը ՆԱՏՕ-ի արժեքավոր գործընկերներն են։ Կողմերին կոչ ենք անում զերծ մնալ այնպիսի գործողություններից, որոնք կարող են հանգեցնել բռնության վերսկսմանը: Չլուծված հարցերը պետք է կարգավորվեն դիվանագիտական ճանապարհով։ Ողջունում ենք երկխոսությունը, ինչպես Մինսկի խմբի շրջանակներում, այնպես էլ այդ շրջանակից դուրս, հուսով ենք տեսնել երկու երկրների միջև հարաբերությունների կարգավորման քայլեր», - ասել են ՆԱՏՕ-յում, տեղեկացնում է Verelq.am-ը:
ПОСЛЕДНИЕ ОТ АВТОРА
-
New2025-04-18 09:41Украина и США подписали меморандум о соглашении по полезным ископаемым, заявил министр экономики Украины Свириденко.
-
New2025-04-18 09:38В результате стрельбы в Университете штата Флорида погибли два человека, сообщает CNN.
-
New2025-04-18 09:35В Баку состоялся очередной "суд" над представителями военно-политического руководства Нагорного Карабаха и другими пленными армянами.
-
New2025-04-18 09:3417 апреля представители Совета по защите прав арцахцев встретились с президентом Арцаха Самвелом Шахраманяном.