Փսակին հայտարարել է, որ Ռուսաստանը պատրաստ է «ցանկացած պահի հարձակվել» Ուկրաինայի վրա
Սպիտակ տունը հայտարարել է, որ Ռուսաստանը պատրաստ է «ցանկացած պահի հարձակվել» Ուկրաինայի վրա՝ ամերիկացի և ռուս բարձրաստիճան դիվանագետների հանդիպումից առաջ բարձրացնելով սպառնալիքի իր գնահատականը, հաղորդում է AFP-ն:
«Այժմ մենք գտնվում ենք մի փուլում, երբ Ռուսաստանը կարող է ցանկացած պահի հարձակում սկսել Ուկրաինայի վրա»,- լրագրողներին ասել է Սպիտակ տան մամուլի քարտուղար Ջեն Փսակին։
Նրա մեկնաբանությունները հնչել են պետքարտուղար Էնթոնի Բլինքենի և Ռուսաստանի արտգործնախարար Սերգեյ Լավրովի ուրբաթ օրը Ժնևում կայանալիք հանդիպման նախաշեմին:
ԱՄՆ պաշտոնական ներկայացուցիչը անանուն մնալու պայմանով ասել է, որ Բլինքենի նպատակն է տեսնել «կա արդյոք դիվանագիտական ելք» և «շփման կետ», որտեղ Ռուսաստանին կարելի է համոզել «հրաժարվել» Ուկրաինայից:
Ըստ Փսակիի, եթե նախագահ Վլադիմիր Պուտինը «որոշի ներխուժել Ուկրաինա, դա լուրջ տնտեսական հետևանքներ կունենա»։ «Բոլոր տարբերակները դիտարկվում են»,- նշել է նա՝ զգուշացնելով «չափազանց վտանգավոր իրավիճակի» մասին։ Փսակին ասել է, որ «նախագահ Պուտինն է ստեղծել այս ճգնաժամը»։
«Դեպի առաջ դիվանագիտական ճանապարհ կա։ Մենք, իհարկե, հուսով ենք, որ նրանք կընտրեն այդ ճանապարհը։ Մեկ այլ ճանապարհ էլ կա։ Ռուսները պետք է որոշեն, թե որ ճանապարհն են պատրաստվում ընտրել, և հետևանքները ծանր կլինեն, եթե չընտրեն դիվանագիտական ճանապարհը»,- ասել է նա։
Փսակին ընդգծել է, որ դա կարող է ներառել «Հյուսիսային հոսք 2» գազատարի շինարարության դադարեցումը։ «Մենք դեռ հավատում ենք, որ «Հյուսիսային հոսք 2» գազատարի փակումը հուսալի փաստարկ է Ռուսաստանի համար»,- ասել է Փսակին:
ԱՄՆ-ի ներկայացուցիչն ասել է, որ Բլինքենը համաձայնել է Լավրովի հետ հեռախոսով բանակցել, սակայն նշել է, որ Ռուսաստանը, հնարավոր է, շահագրգռված չէ դիվանագիտական լուծմամբ:
«Կարծում եմ՝ դեռ վաղ է խոսել այն մասին, թե ռուսական կառավարությունն արդյոք իսկապես շահագրգռվա՞ծ է դիվանագիտությամբ, պատրա՞ստ է լուրջ և բարեխիղճ բանակցությունների, թե՞ քննարկումները կօգտագործի որպես պատրվակ՝ ասելու, որ դիվանագիտությունը հաշվի չի առել Մոսկվայի շահերը»,- ասել է պաշտոնյան, տեղեկացնում է News.am-ը։
ПОСЛЕДНИЕ ОТ АВТОРА
-
2023-09-26 19:49240На данный момент врачи из Армении обслужили около 700 пациентов из Нагорного Карабаха, из них более половины - дети. Об этом заявил журналистам в селе Корнидзор Сюникской области замминистра здравоохранения Армении Артак Джумаян.
-
2023-09-26 19:48250Азербайджан и Ереван высказали заинтересованность в возможной встрече лидеров двух стран 5 октября в Гранаде на полях саммита Европейского политического сообщества (ЕПС). Об этом говорится в заявлении Евросовета, распространенном по итогам встречи в Брюсселе.
-
2023-09-26 19:20276Министр труда и социальных вопросов Армении Нарек Мкртчян обсудил с известным британским военным врачом, профессором кафедры переломов и ожоговых травм Университета Бирмингема Стивом Джеффри гуманитарные последствия взрыва на складе топлива в Нагорном Карабахе.
-
2023-09-26 19:17257Второй центр приема вынужденных переселенцев из Нагорного Карабаха открыт в городе Вайк Вайоцдзорской области Армении. Об этом в беседе с корреспондентом Sputnik Армения заявил губернатор Сюника Роберт Гукасян.
