Последние новости

ԺԴԿ-ի պատգամավորները Դինքի սպանության գործով միջնորդություն են ներկայացրել

«Ժողովուրդների դեմոկրատիա» կուսակցության պատգամավորները թուրքահայ լրագրող Հրանտ Դինքի սպանության 15-րդ տարելիցի կապակցությամբ միջնորդություն են ներկայացրել՝ խորհրդարանական հետաքննություն անցկացնելու համար, գրում է Bianet-ը։

Դինքը սպանվել է 2007 թվականի հունվարի 19-ին իր հիմնած «Ակոս» թերթի ստամբուլյան գրասենյակի դիմաց։ Թուրք ազգայնական Օգյուն Սամասթը, ով սպանության ժամանակ դեռահաս էր, 2011 թվականին դատապարտվել է 22 տարվա ազատազրկման, սակայն դեռ հարցեր են մնում պետական ​​ուժերի ենթադրյալ ներգրավվածության վերաբերյալ:

«Գործն այնպես չէր զարգանում, որպեսզի Հրանտ Դինքի սպանության խավարը բացահայտվի և արդարություն ապահովվի»,- իրենց համատեղ հարցման մեջ ասել են ԺԴՀ փոխնախագահներ Սարուխան Օլուչն ու Մերալ Դանիշ-Բեշթաշը։

«Մարդասպանները պաշտպանված էին քաղաքական կամքով. նրանք, ովքեր դատարանի առջև կանգնեցին, արդյունավետ քրեական հետապնդման չենթարկվեցին»,- ասել են պատգամավորները՝ կոչ անելով խորհրդարանին պատասխանատվություն ստանձնել Դինքի սպանության գործի բացահայտման և պետության վրա ազդեցություն ունեցող ապօրինի խմբերի վերացման համար, տեղեկացնում է News.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ