ԱՄՆ Ներկայացուցիչների պալատը խիստ մտահոգված է հայ ռազմագերիների ճակատագրով
ՀՀ ԱԺ նախագահ Ալեն Սիմոնյանի գլխավորած պատվիրակությունը հունվարի 19-ին հանդիպել է ԱՄՆ Ներկայացուցիչների պալատի արտաքին հարաբերությունների հանձնաժողովի նախագահ Գրեգորի Միքսի, Բրեդ Շերմանի և հանրապետական Քրիս Սմիթի հետ:
Ողջունելով պատվիրակության անդամներին՝ արտաքին հարաբերությունների հանձնաժողովի նախագահ Գրեգորի Միքսը նշել է, որ իրենք 2018 թվականից ի վեր առանձնակի ուշադրությամբ հետևում են Հայաստանում ընթացող ժողովրդավարական գործընթացներին: Նա նաև պատրաստակամություն է հայտնել մշտապես աջակցելու այդ բարեփոխումներին:
Հանդիպմանը քննարկվել են 44-օրյա պատերազմին և դրա հետևանքներին առնչվող հարցեր: Ամերիկացի գործընկերների խնդրանքով Ալեն Սիմոնյանն անդրադարձել է Հայաստանի սահմանային անվտանգության, հետպատերազմյան հումանիտար խնդիրների լուծման և Ադրբեջանում պահվող պատանդների հայրենադարձման հարցերին: Ամերիկյան կողմը տեղեկացրել է, որ ԱՄՆ Ներկայացուցիների պալատը և մասնավորապես իրենց հանձնաժողովը խիստ մտահոգված է ռազմագերիների ճակատագրով և կարծում է, որ նրանք պետք է անհապաղ հայրենիք վերադարձվեն: Հանձնաժողովի նախագահը հանդիպմանը շեշտել է, որ չափազանց կարևոր է ապահովել Հարավային Կովկասի կայունությունը և այդ համատեքստում անհրաժեշտ է հասնել Լեռնային Ղարաբաղի հակամարտության լուծմանը և խնդրի տևական կարգավորմանը: Միացյալ Նահանգները մեծապես կնպաստի դրան՝ այդ թվում ԵԱՀԿ Մինսկի խմբի ձևաչափով:
Հանդիպմանն Ալեն Սիմոնյանն ընդգծել է ԱՄՆ Կոնգրեսի Ներկայացուցիչների պալատի կողմից Ցեղասպանության ճանաչման կարևորությունը՝ շեշտելով այդ հարցում արտաքին հարաբերությունների հանձնաժողովի դերակատարությունը: Շնորհակալություն հայտնելով ՀՀ ԱԺ նախագահին բարձր գնահատանքի համար՝ ներկաները ևս մեկ անգամ շեշտել են, որ այն իսկապես շարունակական աշխատանքի արդյունք է եղել:
Հանդիպման ավարտին Ալեն Սիմոնյանը տեղեկացրել է, որ Հայաստանի և ԱՄՆ-ի միջև դիվանագիտական հարաբերությունների հաստատման 30-ամյակի շրջանակներում նախատեսված են մի շարք միջոցառումներ և փոխադարձ այցելություններ: ԱԺ նախագահը հրավիրել է ԱՄՆ Ներկայացուցիչների պալատի արտաքին հարաբերությունների հանձնաժողովի նախագահին ու անդամներին այցելել Հայաստան՝ տեղում ծանոթանալու առկա խնդիրներին և ժողովրդավարական ձեռքբերումներին, տեղեկացնում է Aysor.am-ը:
ПОСЛЕДНИЕ ОТ АВТОРА
-
New2022-05-19 16:0273На данный момент Азербайджан подтверждает нахождение в плену 38 военных и гражданских лиц. Об этом заявил омбудсмен Арцаха Гегам Степанян в НС НКР.
-
New2022-05-19 16:0178Никол Пашинян в правительстве провел встречу с участниками Консультативного собрания по сотрудничеству с внепарламентскими политическими силами. Об этом сообщает пресс-служба премьера РА.
-
New2022-05-19 16:0068Генеральная прокуратура направила сообщение о применении полицейскими насилия в отношении депутата парламента РА от фракции "Армения", члена АРФ "Дашнакцутюн" Арцвика Минсяна в Антикоррупционный комитет для подготовки материале в уголовно-процессуальном порядке. Об этом "ФактИнфо" сообщили Генпрокуратуре РА.
-
New2022-05-19 15:5872Вчера по приказу директора Всеармянского фонда “Айастан” я была уволена из-за участия (после работы) в митингах движения “Сопротивление”. Об этом в своем Фейсбуке написала координатор программ Всеармянского фонда “Айастан" Анна Манукян.
