Կրեմլը պատասխանել է Բայդենի հայտարարություններին
Ռուսաստանի հասցեին սպառնալիքներով հայտարարությունները չեն նպաստում իրավիճակի լիցքաթափմանը և կարող են Ուկրաինայի իշխանությունների տաք գլուխները մտցնել ինքնահռչակ Դոնբասի հարցը ուժով լուծելու գաղափարը, հայտարարել է Ռուսաստանի նախագահի մամուլի քարտուղար Դմիտրի Պեսկովը:
ԱՄՆ նախագահ Ջո Բայդենը լրագրողներին հայտարարել էր, որ Ռուսաստանի նախագահ Վլադիմիր Պուտինը դեռ երբեք չի տեսել այնպիսի պատժամիջոցներ, որոնք ԱՄՆ-ն պատրաստում է Ուկրաինայի շուրջ իրավիճակի սրման դեպքում: Նրա խոսքով՝ այդ դեպքում ռուսական բանկերը չեն կարողանա դոլարով գործարքներ իրականացնել։
«Բոլոր այդ հայտարարությունները կարող են նպաստել իրավիճակի ապակայունացմանը, քանի որ դրանք կարող են միանգամայն սխալ հույսեր ներշնչել Ուկրաինայի տաքգլուխ որոշ ներկայացուցիչների, ուկրաինական ղեկավարությանը, որը, ինչպես ասում են, սուսիկ-փուսիկ կարող է որոշել վերսկսել քաղաքացիական պատերազմն իր երկրում և փորձել ուժային եղանակով լուծել հարավ-արևելքի խնդիրը: Մենք մտավախություններ ունենք այդ կապակցությամբ»,-ասել է Պեսկովը՝ լրագրողների համար մեկնաբանելով Բայդենի կոշտ հայտարարությունները։
Պատասխանելով Պուտինի և Բայդենի հնարավոր հանդիպման մասին հարցին՝ Կրեմլի ներկայացուցիչն ասել է, որ անվտանգության երաշխիքների վերաբերյալ ԱՄՆ-ի պատասխանից հետո միայն հասկանալի կդառնա, թե երբ երկու երկրների նախագահները՝ Վլադիմիր Պուտինն ու Ջո Բայդենը, կորոշեն անձամբ միանալ գործընթացին, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2022-05-26 12:2818Запад готов поддержать односторонние уступки Армении по региональным вопросам. Об этом в беседе с корреспондентом Новости Армении – NEWS.am заявил политолог-международник Сурен Саркисян.
-
New2022-05-26 12:2229В Европейском союзе президенту Азербайджана Алиеву заявили о необходимости договариваться с Карабахом. Об этом пишет газета «Грапарак», развивая тему.
-
New2022-05-26 12:0646В настоящее время у здания суда проходит акция родителей и "Движения сопротивления".
-
New2022-05-26 12:0461Президент РФ Владимир Путин присвоил звание Героя России Андранику Гаспаряну за подвиг во время военной спецоперации на Украине. Об этом сообщил губернатор Омской области Александр Бурков.
