ՌԴ և ԻԻՀ ԱԳՆ ղեկավարները քննարկել են տարածաշրջանային խնդիրները
Իրանի և Ռուսաստանի արտաքին գործերի նախարարները համապատասխանեցրել են համատեղ գործողությունների ժամանակացույցը տարածաշրջանային խնդիրների առանցքային թեմաների շուրջ, ներառյալ՝ Աֆղանստանը, Սիրիան, Անդրկովկասը և Կասպից ծովը։ Այս մասին ասվում է ՌԴ արտաքին գործերի նախարարության հայտարարության մեջ։
«Հունվարի 20-ին Մոսկվայում, Ռուսաստան Իրանի Իսլամական Հանրապետության նախագահ Ս. Է. Ռայիսիի կատարած աշխատանքային այցի շրջանակներում ՌԴ ԱԳ նախարար Ս. Վ. Լավրովը հանդիպել է ԻԻՀ ԱԳ նախարար Հոսեյն Ամիր Աբդոլլահիանի հետ։
Նախարարները նշել են, որ նախագահ Ռայիսիի առաջին այցը Մոսկվա (այս կարգավիճակով) նոր էջ է բացում երկկողմ կապերի զարգացման մեջ, ամուր հիմքեր է ստեղծում մեր երկրների միջև բազմակողմ համագործակցության խորացման համար։
Զրույցի ընթացքում արծարծվել են համաշխարհային քաղաքականության առանձին հարցեր, ռուս-իրանական համագործակցության զարգացման հեռանկարները, այդ թվում՝ քաղաքական երկխոսության, առևտրատնտեսական, մշակութային և հումանիտար համագործակցության զարգացումը՝ շեշտը դնելով առանցքային համատեղ նախագծերի իրականացման վրա։
Պայմանավորվածություն է ձեռք բերվել զարգացնել համագործակցությունը COVID-19 համավարակի դեմ պայքարում՝ երկու երկրների համապատասխան գերատեսչությունների միջև հաստատված երկխոսության հիման վրա։
Մեծ ուշադրություն է դարձվել Իրանի միջուկային ծրագրի մասին Գործողությունների համատեղ համապարփակ ծրագրի շուրջ ստեղծված իրավիճակին, որը մնում է զենքի չտարածման ոլորտում ամենակարևոր համաձայնագիրը։ Երկու կողմերն էլ հաստատել են Վիեննայում բանակցությունները շարունակելու իրենց տրամադրվածությունը՝ «միջուկային գործարքը» իր սկզբնական կազմաձևով վերականգնելու համար՝ առանց որևէ «հավելումների» և բացառությունների։
Նախարարները համապատասխանեցրել են համատեղ գործողությունների ժամանակացույցը տարածաշրջանային խնդիրների այլ առանցքային թեմաների շուրջ, այդ թվում՝ Աֆղանստանը, Սիրիան, Անդրկովկասը և Կասպից ծովը։
Պայմանավորվածություն է ձեռք բերվել շարունակել կանոնավոր երկխոսությունը փոխադարձ հետաքրքրություն ներկայացնող բոլոր հարցերի շուրջ»,- ասված է ՌԴ ԱԳՆ հաղորդագրության մեջ, տեղեկացնում է News.am-ը։
ПОСЛЕДНИЕ ОТ АВТОРА
-
New2023-12-08 13:1671Посольство США в Ираке обстреляли из РСЗО, три ракеты упали рядом с особо охраняемой "зеленой зоной" в центре Багдада, передает агентство Франс Пресс со ссылкой на неназванного иракского чиновника.
-
New2023-12-08 13:1488Армянские пленные могут вернуться из Азербайджана в ближайшие дни или даже часы, сказал журналистам в парламенте депутат от фракции "Гражданский договор", глава комиссии по внешним отношениям Саркис Ханданян.
-
New2023-12-08 13:1290Мэрия города Алаверди Лорийской области Армении в эти минуты оцеплена крупными силами полиции и "красноберетниками".
-
New2023-12-08 13:0982Фотография армянского фотографа Давида Каграманяна из Арцаха попала в подборку Reuters «Фотографии 2023 года и истории, стоящие за ними».
