Սեյրան Օհանյան․ «Հայելային հետքաշում» ասածը մերկապարանոց, անիմաստ խոսակցություն է (ՏԵՍԱՆՅՈՒԹ)
Փորձը ցույց է տվել, որ ՀՀ-ում որոշումներն ընդունվում են ոտքի վրա, ձեռի հետ, առանց իրադրությունը լիարժեք գնահատելու, առանց գնահատելու հակառակորդին, առկա սպառնալիքներն ու մարտհրավերները: Այս մասին, այսօր՝ հունվարի 21-ին, ԱԺ-ում լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը։
«Ոտքի վրա կայացված որևէ որոշում տեղ չի կարող հասնել: Մեր իշխանությունները որոշումները կայացնում են փորձարկման մեթոդով, երևի հիմք են ընդունում հայտնի խոսքը, որ փորձը փորձանք չէ, բայց պրակտիկան ցույց տվեց, որ փորձերը բերեցին ահռելի փորձանքի»,-ասաց նա:
Անդրադառնալով սահմանից Հայաստանի և Ադրբեջանի զինուժի «հայերային հետքաշման» գաղափարին, նախկին նախարարն ասաց. «Ի՞նչ է նշանակում հայելային հետ քաշվել, մենք արդեն մեկ անգամ կառավարության ղեկավարի բանավոր ցուցմամբ պատերազմական գործողությունները կանգնելուց հետո հետ ենք քաշել մեր զորքերը Սյունիքի հատվածում: Այնուհետև հակառակորդը եկավ, կանգնեց սահմանին, սադրանքներ կազմակերպվեց և մխրճվեց մեր տարածք։ Ի՞նչ է նշանակում հայելային հետ քաշվել, որտեղ ամբողջ սահմանով մեկ, թե այն հատվածում, որտեղ հակառակորդը մխրճվել է։ Եթե այն հատվածներում, որտեղ հակառակորդը մխրճվել է մեր հատված, ապա հակառակորդն ինքը պետք է միակողմանի հետ քաշվի և այդ ուղղությամբ համապատասխան աշխատանքներ պետք է իրականացնեն մերոնք»:
Անդրադառնալով ԱԳ նախարարի հայտարարությանը, թե ՀԱՊԿ-ի հետ ՀՀ-ն քաղաքական գործընթացներ է իրականացնում, Սեյրան Օհանյանն ասաց.
«Լավ կլիներ, որ ինքը պարզ բացատրեր, որ մենք բանակցում ենք ՀԱՊԿ-ի բոլոր երկրների, ՀԱՊԿ-ի քաղաքական ղեկավարության, ռազմական կոմիտեի հետ, որոնք միջազգային բոլոր կազմակերպությունների հետ պետք է աշխատեն և ստիպեն Ադրբեջանին՝ հետ քաշվելու։ Այդ է մեր այսօրվա աշխատանքը։ Եվ եթե չստիպեն հետ քաշվել, ապա մենք ստիպված ենք լինելու նաև գործադրել ՀԱՊԿ-ի ռազմական բաղադրիչը՝ ՀՀ Զինված ուժերի հետ մեկտեղ։
Կարծում եմ՝ այդ խոսակցություններն օդի մեջ խոսակցություններ են, որովհետև սահմանագծման և սահմանազատման համար թշնամի պետությունները պետք է վերածվեն հարևան պետությունների, ստեղծվի հարևան պետությունների կառավարությունների խառը հանձնաժողով և տարվի համապատասխան աշխատանք»։
Օհանյանն ասաց, թե այդ հանձնաժողովը պետք է ամբողջությամբ վեր հանի խորհրդային ժամանակահատվածում գոյություն ունեցող իրավապայմանագրային ամբողջ փաթեթը. «Միայն լիարժեք և խորաթափանց քննարկումներից հետո կարելի է որոշել, թե որտեղով և ինչպես պետք է անցնի այդ սահմանը։ Իսկ այս պարագայում հայելային հետքաշում ասածն, իմ համար, մերկապարանոց, անիմաստ խոսակցություն է», - ասաց Սեյրան Օհանյանը։
Ավելի վաղ News.am-ը հայտնել էր, որ Հայաստանի ԱԳՆ-ն հայտարարություն էր տարածել՝ նշելով, որ հայկական կողմը բազմիցս նշել է, որ իրավիճակի հետագա սրացումից խուսափելու միջոցներից մեկը կարող է լինել հայ-ադրբեջանական սահմանագծից զորքերի հայելային հետքաշումը և սահմանագծի երկայնքով միջազգային մոնիթորինգի մեխանիզմի գործարկումը:
ПОСЛЕДНИЕ ОТ АВТОРА
-
2023-11-29 06:2179
Накануне 44-дневной войны партнеры по ОДКБ в лице России передали Армении план проведения военных учений по противодействию возможному нападению Азербайджана, однако Армения никак на него не отреагировала. Об этом в беседе с Новости Армении-NEWS.am заявил политолог Ален ГЕВОНДЯН.
-
2023-11-29 06:13105
В ближайшие дни мы обязательно созовем сессию НС из-за нестандартной ситуации и некоторых технических проблем, сессия задерживается, но она обязательно состоится в ближайшее время. Об этом в беседе с Aysor.am сообщила депутат фракции "Справедливость" Национального собрания Республики Арцах Метаксе Акопян.
-
2023-11-29 06:0889
Противовоздушная оборона является одним из ключевых компонентов военного сотрудничества Армении и России, и несмотря на определенное охлаждение двусторонних отношений, координация в этой области сохраняется и сохранится в будущем. Подобное мнение выразил Sputnik Армения эксперт в сфере безопасности Давид АРУТЮНОВ, комментируя заявление министра обороны РФ Сергея Шойгу о фактическом функционировании единой системы ПВО в рамках ОДКБ.
-
2023-11-28 20:26369
Азербайджан продолжает блокировать инициативу по отправке миссии ЮНЕСКО в Нагорный Карабах. Об этом на запрос Sputnik Армения сообщили в МИД РА.