2022-01-22 12:42
Информагентства
Թաթոյան․ Հոգեբուժարաններում կիրառում են ժամկետանց ու անընդունելի դեղեր
Հայաստանի հոգեկան առողջության կենտրոններում դեղամիջոցների պահպանումն ու կիրառումը խիստ մտահոգիչ է։ Այսօր հրավիրված ասուլիսի ժամանակ հայտարարեց ՀՀ մարդու իրավունքների պաշտպան Արման Թաթոյանը։
Նրա խոսքով` որոշ կենտրոններում կիրառել են դեղորայք, որը 2020-ից առողջապահության նախարարի հրամանով արգելված է համարվել։
«Սևանի և Վարդենիսի կենտրոններում հայտնաբերվել են ժամկետանց դեղամիջոցներ։ Արձանագրվել են նաև փաստեր, երբ բավականին երկար ժամանակով ժամկետանց են եղել բժշկական պարագաներ և գործիքներ՝ անգամ երկու տարվա ժամկետով»,–ասաց Թաթոյանը։
Ըստ ՄԻՊ–ի` կենտրոնների մեծ մասում խառը դեղորայքներ են կիրառվում՝ առանց դրանց համատեղելիության պարզման։ Բացի այդ, պատշաճ ձևով չեն կատարվում հոգեբույժների հետ թերապիայի սեանսները։
Թաթոյանը նշեց` ողջունելի է, որ 2021-ին Ավանի հոգեկան առողջության կենտրոնում բացվել է անչափահասների համար բաժանմունք, որում կարող է ստացիոնար բուժվել 12 անչափահաս։ Բայց, այնուամենայնիվ, մարզերում ապրող և խնդիրներ ունեցող անչափահասների համար կենտրոններ չկան, և երեխաներին անհրաժեշտ է լինում տեղափոխել Երևան։
Հիշեցնենք՝ Արման Թաթոյանը Հայաստանի մարդու իրավունքների պաշտպան է ընտրվել 2018-ի իրադարձություններից առաջ՝ 2016 թվականի փետրվարի 23-ին։ Վեց տարի անց՝ 2022-ի նույն օրը, նրա պաշտոնավարման ժամկետն ավարտվելու է, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-04-21 11:16Министерство обороны Армении опровергло дезинформацию Минобороны Азербайджана о якобы обстреле азербайджанских позиций.
-
New2025-04-21 11:14Прошедшей ночью азербайджанские ВС стреляли в районе села Хнацах особенно интенсивно. Об этом сообщил Sputnik Армения один из жителей села.
-
New2025-04-21 11:11В результате несчастного случая безвременно ушел из жизни карабахский журналист, поэт Карен Ширинян. Об этом говорится в сообщении, распространенном на странице в «Facebook» агентства «Новости из Карабаха».
-
New2025-04-21 11:09Центральный банк Республики Армения 21 апреля 2025 года вводит в обращение золотую памятную монету «100-летие со дня рождения Джерарда Л. Гафесчяна».