2022-01-24 13:41
Информагентства
ԵԽԽՎ-ում կքննարկվի ժողովրդավարական ինստիտուտների գործունեությունը Հայաստանում
Եվրոպայի խորհրդի խորհրդարանական վեհաժողովի (ԵԽԽՎ) ձմեռային նստաշրջանը կանցկացվի հունվարի 24-ից 28-ը խառը ձևաչափով։
Նիստին կքննարկվեն Եվրոպայում ԼԳԲՏԻ անձանց նկատմամբ ատելության աճի դեմ պայքարը, Անդրկովկասում նրանց իրավունքների ոտնահարումը, բիզնեսը և արժեքները ֆուտբոլային մենեջմենթում (նածատեսված է ՖԻՖԱ-ի նախագահ Ջանի Ինֆանտինոյի ելույթը), Ալեքսեյ Նավալնու թունավորումը և ԶԼՄ-ների դերը ճգնաժամի ժամանակ, հաղորդվում է ԵԽԽՎ պաշտոնական կայքում:
Հունվարի 27-ին ԵԽԽՎ-ն հատուկ միջոցառում կանցկացնի՝ նվիրված Հոլոքոստի զոհերի հիշատակի միջազգային օրվան, որին կմասնակցի Ֆրանսիայի կրթության, երիտասարդության և սպորտի նախարար Ժան Միշել Բլանքերը։ Բացի այդ, կապահովվի Հոլոքոստը վերապրածների մասնակցությունը (տեսաուղերձի և տեսահղմամբ ելույթների միջոցով): Միջոցառմանը կհաջորդի Եվրոպայում պատմության դասավանդման վերաբերյալ Աստղադիտարանի աշխատանքի քննարկումը:
Նստաշրջանի բացմանը ԵԽԽՎ-ն պետք է նոր նախագահ ընտրի: Խորհրդարանական վեհաժողովը մտքեր կփոխանակի Նախարարների կոմիտեի Իտալիայի նախագահության հետ։ Վեհաժողովին ելույթ կունենա Եվրոպայի խորհրդի գլխավոր քարտուղար Մարիա Պեյչինովիչ Բուրիչը։
Օրակարգում ներառված են նաև հետևյալ հարցերը. ԵՄ պակտը միգրացիայի և ապաստանի մասին՝ մարդու իրավունքների տեսանկյունից, ժողովրդավարական մասնակցության և կլիմայի փոփոխությանն արձագանքելու երեխաների իրավունքները, բռնի անհետացումները Եվրոպայի խորհրդի անդամ երկրների տարածքում, ժողովրդավարական ինստիտուտների գործունեությունը Հայաստանում, տեղեկացնում է News.am-ը:
ПОСЛЕДНИЕ ОТ АВТОРА
-
2025-06-12 19:45Иранские СМИ опубликовали первую серию документов, полученных от израильского режима.
-
2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.