2022-01-24 14:45
Информагентства
ԱՀԿ-ն չի բացառում, որ համավարակը Եվրոպայում կավարտվի օմիկրոնի ալիքից հետո
Առողջապահության համաշխարհային կազմակերպությունը (ԱՀԿ) չի բացառում, որ համավարակը Եվրոպայում կավարտվի կորոնավիրուսի օմիկրոն տարբերակի ներկա ալիքից հետո։ Այս մասին ասել է եվրոպական տարածաշրջանում ԱՀԿ տնօրեն Հանս Կլուգեն AFP-ի հարցազրույցում։
Նրա խոսքով՝ միանգամայն հավանական է, որ տարածաշրջանը մոտենում է համավարակի եզրափակիչ փուլին։ Բայց Կլուգեն նախազգուշացրել է SARS-CoV-2-ի հնարավոր նոր տարբերակներին ուշադիր հետևելու անհրաժեշտության մասին։
Ինչպես նշել է ԱՀԿ ներկաացուցիչը, երբ Եվրոպայում օմիկրոնի ալիքը մարի, «մի քանի շաբաթվա և ամսվա ընթացքում գոյություն կունենա գլոբալ իմունիտետ կամ պատվաստման շնորհիվ, կամ այն պատճառով, որ մարդիկ իմունիտետն ստացել են վարակվելուց հետո»։ Իրավիճակի վրա կարող է ազդել նաև այն, որ տարվա տաք եղանակը մոտենում է։
«Եվ այսպես, մենք կարող ենք պատրաստվել անդորրի փուլին, մինչ COVID-19-ը կկարողանա վերադառնալ տարեվերջին, բայց պարտադիր չէ, որ համավարակը վերադառնա»,- ամփոփել է Կլուգեն։ Այնուամենայնիվ, նրա խոսքով, կորոնավիրուսը «զարմացրեց մեզ ավելի քան մեկ անգամ, այնպես որ՝ պետք է մեծ զգուշություն պահպանել»։
ԱՀԿ գնահատականներով՝ եվրոպական տարածաշրջանի բնակչության ավելի քան 60 տոկոսը կարող է մինչև մարտ SARS-CoV-2-ի օմիկրոն մուտացիայով վարակվել։ B.1.1.529 տարբերակը, որն ստացել է «օմիկրոն» անունը, առաջին անգամ հայտնաբերվել է Հարավաֆրիկյան Հանրապետությունում, Բոտսվանայում, 2021թ. նոյեմբերին։ ԱՀԿ-ն այն ժամանակ նրան տվել էր «անհանգստություն առաջացնողի» կարգավիճակ, տեղեկացնում է News.am-ը։
ПОСЛЕДНИЕ ОТ АВТОРА
-
New2025-07-12 21:19Член Совета по защите прав арцахцев Артак Мкртчян объявил сидячую забастовку на Площади Свободы.
-
New2025-07-12 21:08Пятидесятиметровый флаг Арцаха развернули перед началом митинга на площади Свободы в центре Еревана.
-
New2025-07-12 21:05Совет по защите прав арцахцев провёл акцию на площади Свободы в Ереване, требуя от властей Армении комплексных решений проблем перемещенных из Нагорного Карабаха граждан. Один из членов Совета, Апрес Маргарян, заявил, что правительство ограничилось мерами косметического характера и не ответило на ключевые запросы.
-
New2025-07-12 21:01Часть азербайджанских рейсов Баку — Нахчыван переведена на новый маршрут полетов через воздушное пространство Армении, сообщают азербайджанские СМИ. Отмечается, что теперь они «преодолевают на 100 км армянского неба меньше, чем раньше».