2022-01-24 19:27
Информагентства
Ստանիսլավ ՏԱՐԱՍՈՎ․ ՓԱՇԻՆՅԱՆԸ ԿԱՐՈՂ Է ՍԿՍԵԼ ՄԵՐԿԱՑՆԵԼ ՀՐԱԺԱՐԱԿԱՆ ՆԵՐԿԱՅԱՑՐԱԾ ՆԱԽԱԳԱՀ ՍԱՐԳՍՅԱՆԻՆ
Բացառված չէ, որ Նիկոլ Փաշինյանը դիմի իր ոճին և սկսի մերկացնել հրաժարական ներկայացրած նախագահ Արմեն Սարգսյանին։ Այս մասին հունվարի 24-ին News.am-ի թղթակցի հետ զրույցում ասաց ռուս քաղաքագետ, Մերձավոր Արևելքի և Կովկասի երկրների հիմնախնդիրների փորձագետ Ստանիսլավ Տարասովը։
Նա կարծում է, որ ամբողջ գործընթացում շատ ինտրիգներ և անորոշություններ կան՝ Արմեն Սարգսյանը հայտարարեց, որ իրեն խոստացել են ընդլայնել լիազորությունները, սակայն իրավիճակը օդից կախված է մնացել, և ինքը հրաժարական տալիս։
«Հարց է առաջանում՝ իսկ ո՞վ է տվել այդ խոստումները։ Այս խոստումները տվել է դեռևս Հայաստանի երրորդ նախագահ Սերժ Սարգսյանը, ով ժամանակին ասել էր, որ սահմանադրական բարեփոխումից հետո երկու «Ս»-ի (երկու Սարգսյան-խմբ.) տանդեմ կձևավորվի։ Սակայն հետո իրավիճակը փոխվեց (2018-ին իշխանափոխություն եղավ-խմբ.), իսկ Արմեն Սարգսյանը մնաց։ Նրա վրա խաղադրույք էր կատարվել՝ որպես երրորդ ուժի գործոն։ Ինչպես հայտնի է, որոշակի փուլում նա սատարում էր Փաշինյանին, թեև տարաձայնություններ կային։ Դա դրսևորվեց ՀՀ զինված ուժերի գլխավոր շտաբի ղեկավարության՝ պատերազմից հետո Փաշինյանի հրաժարականի պահանջի ժամանակ, երբ Սարգսյանը չստորագրեց հրամանագիրը (ԳՇ պետ Օնիկ Գասպարյանի հրաժարականի մասին - խմբ.), որը, սակայն, ըստ օրենքի, որոշ ժամանակ անց ուժի մեջ մտավ»,- հավելեց Տարասովը։
Փորձագետը հիշեցրեց, որ Արմեն Սարգսյանը Փաշինյանին սատարել է, մասնավորապես, 44-օրյա պատերազմի արդյունքների վերաբերյալ հայտարարությունների ստորագրման ժամանակ։
«Այդ պահին նախագահը չխաղաց երրորդ ուժի գործոնը, որպեսզի, հավանաբար, դրա դիմաց իր լիազորությունների ընդլայնում ստանա։ Սակայն հետագայում, որպես երրորդ ուժի գործոն, նա չկայացավ։ Նախագահը կատարեց մի գործառույթ, որը չպետք է ապակայունացնի իրավիճակը՝ նպաստելով Փաշինյանի իշխանության պահպանմանը և այն արտաքին քաղաքական սցենարների իրականացմանը, որոնք վերջինս իրականացնում է Ադրբեջանի և Թուրքիայի հետ հարաբերություններում։
Այժմ ներքին տարաձայնությունները հասել են գագաթնակետին, և իշխանությունները հասկացրեցին, որ Սարգսյանի հեռանալու ժամանակն է։ Ինչո՞ւ հենց հիմա։ Ըստ ամենայնի, եղել են ներքին և արտաքին գործոններ։ Շատ հնարավոր է, որ նախագահը դժգոհ է եղել Թուրքիայի հետ բանակցություններից։ Բացի այդ, Հայաստանում կարող են տեղի ունենալ որոշ գործընթացներ, որոնցում նա չի ցանկանում ներգրավված լինել»,- պարզաբանեց Տարասովը։
Քաղաքագետը վստահություն հայտնեց, որ հաջորդ նախագահ (որպես միջանկյալ գործիչ) կլինի Փաշինյանի մարդը, ով Սահմանադրության փոփոխություն է նախապատրաստում՝ կառավարման նախագահական ձևին անցնելու, ինչպես նաև երկրի ղեկավարի աթոռը ստանձնելու նպատակով։
«Սարգսյանը մեծ կապեր ունի Սփյուռքում, թագավորական ընտանիքի հետ (Բրիտանիայի – խմբ.), Անգլիայում դեսպան է եղել։ Սրա հետևում կանգնած է Փաշինյանի խնդիրը՝ Եվրոպայում հայկական սփյուռքի հետ, որը դադարում է աջակցել նրան»,- նշեց Տարասովը։
Փորձագետը դա անվանեց լոկալ ճգնաժամ, որը չի անդրադառնա Հայաստանի արտաքին քաղաքականության վրա։
«Նախագահը ո՛չ ներքին, ո՛չ արտաքին քաղաքականության մեջ ինքնուրույն տեղ չէր զբաղեցնում»,- եզրափակեց նա։
ПОСЛЕДНИЕ ОТ АВТОРА
-
New2025-03-25 19:49Глава МИД Ирана Сейед Аббас Аракчи презентовал в Ереване армянский перевод своей книги "Сила переговоров: Принципы и правила политических и дипломатических переговоров", сообщает "Арменпресс".
-
New2025-03-25 19:44С 3 по 5 апреля в Армении пройдет Фестиваль российского кино, организованный Роскино при поддержке Минкультуры России.
-
New2025-03-25 19:40Первый заместитель председателя комитета Госдумы по делам СНГ, евразийской интеграции и связям с соотечественниками Константин Затулин усомнился в устойчивости внешней политики Армении при премьере Николе Пашиняне и его желании налаживать отношения с Россией. Об этом он сообщил изданию «Абзац».
-
New2025-03-25 19:34Вдоль армяно-азербайджанской границы иногда фиксируются выстрелы, однако они не нацелены на территорию Армении. Об этом сообщает Минобороны Армении, отмечая, что в таких случаях Минобороны Армении не делает заявления о нарушении режима прекращения огня.