2022-01-25 14:10
Информагентства
Տիգրան ԱԲՐԱՀԱՄՅԱՆ․ ԵԹԵ ՀԱՅԵԼԱՅԻՆ ՀԵՏՔԱՇՈՒՄԸ ՎԵՐԱԲԵՐՈՒՄ Է ՆԱԵՎ ՀՀ-ԻՆ, ԱՊԱ ԲՆԱԿԱՎԱՅՐԵՐ ԿԿՈՐՑՆԵՆՔ
Հայաստանի և Ադրբեջանի զորքերի` Սյունիքի հատվածում հայելային կերպով հետ քաշելու պարագայում Շուռնուխի, Որոտանի, Բարձրավանի մասով ունենալու ենք շատ ավելի վատ իրավիճակ: Խորհրդարանական ճեպազրույցների ժամանակ նման կարծիք հայտնեց ԱԺ «Պատիվ ունեմ» խմբակցության պատգամավոր Տիգրան Աբրահամյանը` պատասխանելով հարցին, թե ի՞նչ կարծիք ունի վարչապետ Նիկոլ Փաշինյանի առաջարկի առնչությամբ, որ Սյունիքում պետք է զորքերը հայելային եղանակով հետ քաշվեն:
«ԱԳ նախարարը կառավարության հետ հարցուպատասխանի ժամանակ ասաց, որ դա պետք է տեղի ունենա խորհրդային քարտեզների հիման վրա: Սակայն մինչև այժմ չի ներկայացվում, թե այդ քարտեզները որ ժամանակաշրջանին են վերաբերվում։ Իշխանության մեջ կան դեմքեր, որոնք ասում են` 20-ականների քարտեզի մասին է խոսքը, մյուս մասն էլ ասում է, որ 70-ականների քարտեզի մասին է խոսքը: Այդ քարտեզները բավականին տարբերվում են իրարից մեծ թվով բնակավայրերի` այս կամ այն երկրի վերահսկողության ներքո լինելու առումով»,-ասաց Աբրահամյանը:
Նրա խոսքով` հայելային հետքաշումը խնդրահարույց է, քանի որ այն պետք է լիներ հստակ նախապայման ադրբեջանական զորքերի դուրս գալու վերաբերյալ։ Պատգամնավորը նշում է, որ եթե այդ 3 կիլոմետրանոց հայելային հետքաշումը վերաբերում է նաև Հայաստանին, ապա դրա հետևանքով կորցնելու եք մեծ թվով բնակավայրեր: Խոսքն այն բնակավայրերի մասին է, որոնք այդ փուլում գտնվելու են չեզոք գոտում, բայց չի բացառվում, որ մեկ այլ փուլում գտնվեն Ադրբեջանի վերահսկողության ներքո:
Մասնավորապես, խոսքը ոչ միայն Շուռնուխ, Որոտան գյուղերի մասին է, այլև Տեղ, Արավուս և մի շարք այլ բնակավայրերի. նույնը կարող ենք ունենալ, ըստ Աբրահամյանի, նաև Գեղարքունիքի հատվածում։ Ուստի, մեզ համար շահավետ գործընթաց չէ զորքերի հայելային հետքաշումը:
Հիշեցնենք, որ 2021 թվականի մայիսի վերջին Փաշինյանն ադրբեջանական կողմին առաջարկել էր զորքերը Սև լճի հատվածից հայելային եղանակով հետ քաշել և այդ հատվածում միջազգային դիտորդներ տեղակայել սահմանների հետագա հստակեցման նպատակով:
ПОСЛЕДНИЕ ОТ АВТОРА
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.