ԼԻԱԿԱՏԱՐ ՁԱԽՈՂՈՒՄ
2021-ին մահացության 15%-ի պատճառը կորոնավիրուսն էր
Հանրային սննդի կետերում ուժի մեջ մտած սահմանափակումները բացառապես բացասական ազդեցություն կունենան ոլորտի վրա։ Այդ մասին NEWS.am-ի թղթակցի հետ զրույցում հայտարարել է Ռեստորանների ասոցիացիայի նախագահ, հասարակական սննդի ոլորտի փորձագետ Աշոտ Բարսեղյանը, մեկնաբանելով առողջապահության նախարարի հրամանը։
«Այս հրամանը չի աշխատելու: Ոչ մի գործատու իր թշնամին չի: Չկա հստակ մեխանիզմ ո՛չ ստուգելու, ո՛չ վերահսկելու: Ե՛վ հրամանը, և՛ տուգանքները իրավաչափ չեն և բողոքարկվելու են. ոչ մի տուգանք չի մուծվելու: Կատարվողը զավեշտ է և խայտառակություն: Կան շատ բողոքներ, օրինակ՝ Դալմա մոլի ֆուդքորտը դատարկ էր, այն սրճաննեը, որոնք ստուգվում էին, դատարկ էին: Սա երկար չի կարող շարունակվել»,- ասել է նա։
Բարսեղյանի խոսքերով, կա նաև քաղաքացիների անձնական տվյալների պաշտպանության մեծ խնդիր։ «Չի կարելի այդ ծավալի անձնական տվյալ տալ անհասկանալի վայրերում անհասկանալի մարդկանց»։ Նա նշել է, որ այդ սահմանափակումները զրոյական ազդեցություն կունենան կորոնավիրուսի տարածումը կանխարգելելու առումով։
ԲԱՅՑ ԱՆՀՆԱՐ Է ԼՌԵԼ. ԴԺՎԱՐ Է ՉՀԱՄԱՁԱՅՆԵԼ ՓՈՐՁԱԳԵՏԻ ՀԵՏ։ Եթե առողջապահության նախարարի հիշյալ հրամանը դիտարկենք որպես պայքարի գործիք, ապա խոսքը կարող է վերաբերել միայն երկրի տնտեսության, այլ ոչ թե կորոնավիրուսի դեմ պետության պայքարին։ Եթե անգամ մտցված սահմանափակումը կոչված է ինչ-որ բան արգելակելու, ապա ավելի շուտ՝ ներկայիս տնտեսության լոկոմոտիվներից մեկը. սպասարկման ոլորտը, այլ ոչ թե վարակի տարածումը։
Այդուհանդերձ այնքան էլ հասկանալի չէ այդ հրամանի շուրջ բարձրացած իրարանցումը։ Տարօրինակ է, որ ինչ-որ մեկը դեռ կարող է կայացրած որոշումների մեջ տրամաբանության նշանների դրսևորում ակնկալել այս կառավարությունից, տարօրինակ է, որ ինչ-որ մեկը կարող է այդ որոշումների կշռադատվածություն ակնկալել: Ի վերջո, Հայաստանում կորոնավիրուսի ներթափանցման պահից ի վեր գործադիր իշխանության բոլոր քայլերն ու գործողությունները, սահմանափակիչ բոլոր միջոցները դուրս են եղել առողջ բանականության շրջանակներից և մեկը մյուսի հետևից ծանրագույն հարվածներ հասցրել տնտեսության այս կամ այն ոլորտներին, ընդ որում ամեն անգամ ձախողում կրելով խնդրի նկատմամբ առողջապահության համակարգի արձագանքի մասով։ Կորոնավիրուսի դեմ պայքարի ոլորտում Հայաստանի կառավարության լիակատար ձախողման փաստը հաստատելու համար կարելի է ներկայացնել բազմաթիվ օրինակներ, թվեր։ Սակայն տվյալ դեպքում սահմանափակվենք լոկ մեկ, բայց առավել քան խոսուն ցուցանիշով, որը վկայում է կորոնավիրուսի դեմ կառավարության իբր պայքարի խայտառակ արդյունքների մասին։
Համաձայն Վիճակագրական կոմիտեի տվյալների, նախորդ տարվա հունվար-նոյեմբեր ամիսներին Հայաստանում COVID-19-ից մահացել է 5079 մարդ: Դա ոչ թե շատ, այլ աղետալի շատ է այնպիսի երկրի համար, ինչպիսին մերն է։ Բայց այստեղ պետք է ուշադրություն դարձնել նաև մեկ այլ ցուցանիշի. անցած տարվա նույն ժամանակահատվածում երկրում մահացության ընդհանուր թիվը կազմել է 35018։ Այսինքն մահվան բոլոր դեպքերի գրեթե 15%-ը կորոնավիրուսի հետևանք է։ Ոչ թե սիրտ-անոթային հիվանդությունների, ոչ թե ուռուցքաբանական պաթոլոգիաների, ոչ թե դժբախտ պատահարների կամ վթարների, այլ հենց կորոնավիրուսի:
Այստեղ պետք է ուշադրության առնել նաև հետևյալ նրբերանգը. եթե 2020-ին համավարակի առջև կառավարության անօգնականությունը դեռ կարելի էր բացատրել ֆորսմաժորային իրավիճակին առողջապահության համակարգի անպատրաստությամբ, բժշկական սարքավորումների և հիվանդատեղերի պակասով, ապա 2021-ի պարագայում այդ «արդարացումները» լինել չեն կարող։ Վիրուսի դեմ պայքարի կազմակերպման համար հայրենի առողջապահությունն ուներ և՛ ժամանակ, և՛ ռեսուրսներ, և՛ վիրուսի տարածման զսպման գործիքներ: Եվ ահա այսօր մահացության տխուր վիճակագրությունը ցույց է տալիս այդ ժամանակի, ռեսուրսների և զսպման գործիքների օգտագործման արդյունավետությունը։ Դա (արդյունավետությունը) զրոյական, ավելի ճիշտ՝ մինուսային է եղել, եթե մահացության 15%-ի պատճառ է դարձել կովիդը:
Իսկ դուք ասում եք՝ սպանում սպասարկման ոլորտը։ Այո, սպանում են։ Ինչպեսև տնտեսությունն՝ ընդհանրապես։ Բայց թե՛ մեկը, թե՛ մյուսը տեսականորեն վերականգնելի են։ Իսկ այ մարդկային կյանքերը՝ ավա՜ղ…
ПОСЛЕДНИЕ ОТ АВТОРА
-
2022-09-24 08:27808Правительство Армении на заседании 22 сентября приняло решение о выделении 31,6 млн. драмов на капитальный ремонт 12 санузлов корпусов А и Б Министерства экономики. В обосновании говорится, что наличие одного санузла на каждом этаже министерства создает неудобства для сотрудников мужского и женского полов. В настоящее время туалеты, которые не ремонтировались много лет, находятся в неблагоустроенном состоянии, а в результате принятия данного проекта будет создана возможность для обеспечения сотрудников удовлетворительными условиями труда, указано в документе.
-
2022-09-23 09:411371То, что называется армянской экономикой, в среду получило импульс к оживлению. На страну надвигается новая волна российских релокантов, что стало следствием решения о проведении в РФ частичной мобилизации. Услышав эту новость, многие россияне собрали чемоданы и… Уже днем 21 сентября все авиабилеты на ближайшие рейсы в направлении Стамбула, Баку, Еревана были раскуплены. По данным РБК, купить билет из Москвы в Ереван можно было лишь на 24 сентября, причем за 62 тысячи рублей.
-
2022-09-20 10:031747Госсекретарь США Энтони Блинкен позвонил президенту Азербайджана Ильхаму Алиеву, сообщил официальный представитель Госдепа Нед Прайс, передает NEWS.am. «Госсекретарь Блинкен приветствовал прекращение недавних военных действий между Арменией и Азербайджаном. Он призвал президента Алиева придерживаться режима прекращения огня, вывести военные силы и работать над решением всех нерешенных вопросов между Арменией и Азербайджаном путем мирных переговоров», - говорится в сообщении.
-
2022-09-17 14:224289Армения недовольна реакцией ОДКБ на азербайджанскую агрессию. Об этом заявил в интервью Общественному телеканалу спикер парламента Ален Симонян. "Наши ожидания не оправдываются. Нам, будучи в постоянном контакте с народом, будет сложно ему объяснить, почему ОДКБ не предпринимает предусмотренных мер. Естественно, мы сделали, делаем и будет делать выводы", – сказал он.
