2022-01-28 09:28
Информагентства
Ղրղըզստանի հետ սահմանին Տաջիկստանի վիրավոր քաղաքացիների թիվը հասել է 13-ի
Ղրղըզստանի հետ սահմանին Տաջիկստանի վիրավոր քաղաքացիների թիվը հասել է 13-ի, հայտնում է «Sputnik Տաջիկստանը»։
Նրանց թվում կան ինչպես սահմանապահներ, այնպես էլ քաղաքացիական անձինք։ Աղբյուրի փոխանցմամբ՝ այժմ բոլոր վիրավորներն ընդունվում են Իսֆարայի կենտրոնական հիվանդանոց։
Նախնական տվյալներով՝ հոսպիտալացվածների թվում կան երկու խաղաղ բնակիչներ, ևս 11 զինծառայողներ։ Տեղեկացվում է, որ տուժածներից մեկի վիճակը գնահատվում է ծանր, բժիշկները պայքարում են նրա կյանքի համար։
Վիրավորվել է նաև Իսֆարայի քաղաքապետի օգնականը։ Տղամարդը դեպքի վայր է մեկնել այլ քաղծառայողների հետ։ Տուժածին մնացած վիրավորների հետ տեղափոխել են Իսֆարա քաղաքի կենտրոնական կլինիկա։ Նրա վիճակի մասին դեռ ոչինչ հայտնի չէ։
Մոտակա շրջաններում հոսանքն անջատված է։ Հիմնական հրետակոծությունը եղել է Խոջա Ալոյում և Սոմոնիոնում։
24.kg-ն հայտնում է ղրղըզական կողմից 4 տուժածի մասին։ Առողջապահության նախարարությունից պարզաբանել են, որ վնասվածքները բեկորային են։
Տաջիկական կողմի նախաձեռնությամբ ժամը 22։18-ին երկրորդ հեռախոսազրույցն է տեղի ունեցել Ազգային անվտանգության պետական կոմիտեի նախագահի առաջին տեղակալ, Ղրղըզստանի ազգային անվտանգության պետական կոմիտեի սահմանային ծառայության տնօրեն Ուլարբեկ Շարշեևի և Տաջիկստանի ազգային անվտանգության պետական կոմիտեի ղեկավար Ռաջաբալի Ռահմոնալիի հետ։
Հստակեցվում է, որ զրույցը կրկին հրադադարի մասին է եղել։ Ուլարբեկ Շարշեևն ասել է, որ հենց տաջիկական կողմը չի դադարեցնում կրակը, ավելին, շարունակում է ծանր զինտեխնիկա և անձնակազմ տանել դեպի սահման։ «Ժամը 23:00-ի դրությամբ Տաջիկստանի զինվորականները շարունակում են պարբերաբար կրակել Ղրղըզստանի զինվորականների դիրքերի ուղղությամբ։ Էքի-Տաշ, Կում-Բազար, Չիր-Դոբո շրջաններում փոխհրաձգությունները շարունակվում են։ Տաջիկ զինծառայողները ականանետից գնդակոծել են ՂՀ ներքին զորքերի զինծառայողների տեղակայման վայրերը, իսկ Կոչո-Բոյուի տարածքում տաջիկ զինծառայողների գնդակոծման հետևանքով Ղրղըզստանի քաղաքացու տուն է այրվել»,- հայտնել են գերատեսչությունից, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-09 16:52Представители армянской общины Грузии выступили с резким заявлением в защиту Армянской Апостольской Церкви, обвинив власти Армении в целенаправленной кампании по подрыву национальной идентичности.
-
New2025-06-09 16:50Группа ортодоксальных евреев попыталась без разрешения войти на территорию армянского монастыря в Иерусалиме. Об этом сообщил Гегам Балян, представитель Движения спасения Армянского квартала Старого города.
-
New2025-06-09 16:48Политическая инициатива "Айакве" при необходимости готова физически защищать Первопрестольный Эчмиадзин. Об этом говорится в заявлении инициативы, опубликованном на фоне нападок властей на ААЦ,
-
New2025-06-09 16:46Думаю, что интенсивность вызова Самвела Шахраманяна на допросы определяется исключительно объемом дела. Об этом заявил его адвокат Роман Ерицян в беседе с журналистами сегодня, 9 июня, после очередного допроса бывшего президента Арцаха Самвела Шахраманяна.