Անապահովների համար գազի սակագինը չի բարձրանալու
Անապահովների համար գազի սակագինը չի բարձրանալու, լրագրողների հետ զրույցում ասաց ՀՀ փոխվարչապետ Մհեր Գրիգորյանը:
Նա նշեց, թե սահմանին գազի գինը չի փոփոխվելու 2022 թվականի համար, ուղղակի կա մի իրավիճակ, որ դեռևս 2013 թվականին կնքված պայմանագրով կար բանաձև, որի կիրառումը սկսվում է 2022 թվականին:
«Բանաձևի ուժով՝ սահմանին գազի գնի հաշվարկն իրականացվում է կալորիականությունից ելնելով», - նշեց փոխվարչապետը:
Մհեր Գրիգորյանն ասաց, թե գազի սակագինը ձևավորվում է մի քանի բաղադրիչից, որոնցից ամենակարևորը սահմանում գինն է:
«Հիմա կալորիականության հաշվին պոտենցիալ, հնարավոր հավելյալ ծախսը այնքան մեծ չէ, որ հնարավոր չլինի հարթել մնացած սակագնային պլանի մեջ», - մանրամասնեց նա:
Փոխվարչապետի խոսքով՝ բիզնեսի համար պետք է սպասել, թե Հանրային ծառայությունները կարգավորող հանձնաժողովի քննարկումների արդյունքում ինչ սակագնային պլան կնշմարվի, այդ ժամանակ նոր կխոսեն:
«Բայց ես կարծում եմ՝ այքան մեծ է սահմանին ու աշխարհում գազի գնի տարբերությունը, որ, անկախ ամեն ինչից, մրցակցային որևէ շոկ չի լինի հայկական արտադրողի համար: Այնուամենայնիվ, գազի գնից կախված են ոչ միայն մեր արտադրողները, այլ նաև մեր տարածաշրջանի գազ սպառող արտադրողները, բոլորի համար գազի գինը թանկացել է ու կան երկրներ, որտեղ թանկացել է անհամեմատ ավելի շատ, քան պոտենցիալ կարող է թանկանալ Հայաստանում բիզնեսների համար, կրկնեմ՝ չեմ կարծում, որ դա մրցակցային շոկային ազդեցություն կունենա մեր այն բիզնեսի համար, որոնք շատ են սպառում գազ կամ էլեկտրաէներգիա առնվազն 2022 թվականի համար», - հայտարարեց Մհեր Գրիգորյանը:
Նա ասաց, թե ԵԱՏՄ հարթակում գազի միասնական գնի շուրջ կոնսենսուս կա ու բարդ չի լինելու այդ կոնսենսուսին գալ, բայց գազի մատակարարման սակագնի շուրջ բանավեճեր են գնում:
«Հուսով եմ, որ ԵԱՏՄ տարածքում միասնականություն կլինի այդ հարցի շուրջ», - նշեց Գրիգորյանը, տեղեկացնում է Aysor.am-ը:
ПОСЛЕДНИЕ ОТ АВТОРА
-
New2022-09-28 13:4173Тегеран готов стать площадкой для переговоров между Ереваном и Баку. Об этом посол Ирана в Азербайджане Сейед Аббас Мусави заявил на встрече с помощником первого вице-президента Азербайджана Эльчином Амирбековым.
-
New2022-09-28 13:3980Бывший канцлер Германии Ангела Меркель призвала международное сообщество серьезно отнестись к недавним публичным заявлениям президента России Владимира Путина и не отвергать их как «блеф», заявив, что взаимодействие с российским президентом может помочь создать «пространство для маневра», передает Bloomberg.
-
New2022-09-28 12:06173Бывший министр иностранных дел Армении Зограб Мнацаканян перешел к работе в частном секторе. Об этом пишет газета «Грапарак».
-
New2022-09-28 11:59132ВВС Ирана впервые представили беспилотник "Шахаб", передает в среду агентство Mehr.
