2022-01-31 13:03
Информагентства
0
Կորոնավիրուսային սահմանափակումները մեղմացվել են. գործադիրը վերանայել է կարանտինի որոշումը
ՀՀ կառավարությունը հերթական փոփոխություններն է արել «Կորոնավիրուսային հիվանդությամբ (COVID-19) պայմանավորված կարանտին սահմանելու մասին» 2020 թվականի սեպտեմբերի 11-ին ընդունված որոշման մեջ։
Նոր որոշումն ընդունվել է այսօր` հունվարի 31-ին, գրավոր քվեարկությամբ։
Նոր որոշմամբ կառավարությունը մեղմացրել է օդանավակայաններում արդեն 1.5 տարի գործող խիստ սահմանափակումները։
Այսպես` Հայաստան ժամանողների համար ինքնամեկուսացման ժամկետը կրկնակի նվազեցվել է։ Նախկին 14 օրվա փոխարեն այժմ ՀՀ ժամանողները կորոնավիրուսի հաստատման դեպքում կինքնամեկուսացվեն 7 օրով, եթե ունեն ամբողջական պատվաստում և 10 օրով, եթե պատվաստված չեն։
Ընդ որում, 10-օրյա ժամկետը ևս կարող է կրճատվել մինչև 7 օր, եթե վարակված անձն իր նախաձեռնությամբ ՊՇՌ հետազոտություն անցնի, ու արդյունքը լինի բացասական։
Բացի այդ, այսուհետ օդանավակայանում դիմավորողներին թույլ կտան մուտք գործել ժամանման սրահ` հակահամաճարակային կանոնները խստորեն պահպանելու պայմանով։ Իսկ հնարավոր կուտակումներից խուսափելու համար ՀՀ ազգային անվտանգության ծառայությանը, ոստիկանությանն ու Առողջապահական և աշխատանքի տեսչական մարմնին թույլատրվում է կիրառել անձանց տեղաշարժի սահմանափակման միջոցառումներ:
Նոր կարգավորումներն ուժի մեջ են մտնում ս.թ. փետրվարի 1-ից, և չի տարածվելու այդ օրվա դրությամբ ինքնամեկուսացման մեջ գտնվող անձանց վրա:
Սահմանափակումների մեղմացումը կառավարությունը մեկնաբանում է ՀՀ–ում կորոնավիրուսային հիվանդության համաճարակային կայուն իրավիճակով (այս պահի դրությամբ, ըստ Եվրամիության չափանիշների, Հայաստանի Հանրապետությունը գտնվում է կանաչ գոտում), ինչպես նաև ցուրտ եղանակով պայմանավորված սուր շնչառական վարակների սեզոնային բարձր ակտիվությամբ:
Պաշտոնական տվյալներով, Հայաստանում դեկտեմբեր ամսին արձանագրվել է սուր շնչառական վարակների 38 446 դեպք, որը նախորդ տարվա միևնույն ժամանակահատվածի համեմատ 2,2 անգամ ավելի է։
Հատկապես սուր շնչառական վարակներից խուսափելու համար է, որ կառավարությունն առաջարկել է թույլատրել օդանավակայանում դիմավորողների մուտքը ժամանման սրահ, տեղեկացնում է Sputnik Արմենիա-ն:
Նշենք, որ 2020 թվականին ընդունված «Կորոնավիրուսային հիվանդությամբ (COVID-19) պայմանավորված կարանտին սահմանելու մասին» որոշումը ՀՀ–ում ուժի մեջ է մտել 2020 թվականի սեպտեմբերի 11-ի ժամը 17:00-ից։ Վերջնաժամկետը սահմանվել է 2022 թվականի հունիսի 20-ը։
ПОСЛЕДНИЕ ОТ АВТОРА
-
New2024-04-25 16:15Официальный Ереван никогда не ставил под сомнение территориальную целостность Украины. Об этом заявил на брифинге в парламенте Армении спикер Ален Симонян.
-
New2024-04-25 16:12С утра граждане перекрыли ряд дорог и улиц республики и столицы. Полицейские быстро реагировали на акции неповиновения, применяя жесткую силу против протестующих, удаляя их с дорог и подвергая приводу.
-
New2024-04-25 16:11В Генпрокуратуру Армении подано сообщение о преступлении по статьям 418 (наказывается лишением свободы на срок от 15 до 20 лет либо пожизненным лишением свободы) и 421 (наказывается лишением свободы на срок от 10 до 15 лет) Уголовного кодекса с требованием привлечь к ответственности Никола Пашиняна.
-
New2024-04-25 16:10Депутат фракции "Айастан" Гарник Даниелян госпитализирован в больницу Ноемберяна, где проходит необходимые обследования. Об этом сообщила депутат от фракции "Айастан" Кристине Варданян в соцсетях.
