ՊԵԿ․ Մաքսային ծառայությունում կադրեր ներգրավելու նոր համակարգ է ներդրվել
Մաքսային ծառայությունում կադրեր ներգրավելու նոր համակարգ է ներդրվել։ Այս մասին փետրվարի 2-ին լրագրողների հետ զրույցում ասաց Հայաստանի պետական եկամուտների կոմիտեի նախագահի տեղակալ Ծովինար Սողոմոնյանը։
Նրա խոսքով՝ վերապատրաստման դիմումներն ընդունվում են երեկվանից մինչև փետրվարի 28-ը օնլայն ռեժիմով ՊԵԿ կայքում։ Նա հավելեց, որ դիմումներ կարող են ներկայացնել Հայաստանի չափահաս քաղաքացիները, ովքեր ունեն բարձրագույն կրթություն և տիրապետում են հայերենին։
«Նախ կանցկացվի թեստավորում, ապա բարեվարքության ստուգում և հարցազրույց։ Այս փուլերն անցնելուց հետո մենք կկազմակերպենք տեսական (85-95 ժամ) և գործնական (մինչև 30 օր) դասընթացներ, որոնք կանցկացվեն Հայաստանի ՊԵԿ ուսումնական կենտրոնում»,- պարզաբանեց Սողոմոնյանը։
Նա նշեց, որ դասընթացներն ավարտելուց հետո տրվում է վկայական երեք տարի ժամկետով, որի ընթացքում կարելի է մասնակցել պաշտոնին նշանակման գործընթացին։ «Գործընթացը սկսվել է Երևանից։ Նախատեսվում է, որ հոկտեմբերից հնարավոր կլինի ներգրավել 100 նոր աշխատակիցների։ Մենք ակնկալում ենք քաղաքացիների ակտիվ մասնակցությունը»,- ընդգծեց ՊԵԿ նախագահի տեղակալը։
Նա հայտնեց, որ բարեփոխումների մեկ այլ ուղղություն ենթադրում է բարեվարք տնտեսվարող սուբյեկտների համար նախնական հայտարարագրման լայն պրակտիկայի ներդրում։
«Լրացնելով հայտարարագիրը՝ տնտեսվարող սուբյեկտը կկարողանա տնօրինել իր ապրանքները սահմանից՝ մաքսային հսկողություն չզգալով։ Բացի այդ, նախատեսվում է մաքսային հայտարարագրման ամբողջությամբ էլեկտրոնային համակարգ ներդնել։ Սա կարագացնի առևտրաշրջանառությունը և կխնայի տնտեսվարող սուբյեկտի ռեսուրսները։ Համալիրում բոլոր բարեփոխումները դրական կազդեն տնտեսական ակտիվության վրա»,- եզրափակեց Ծովինար Սողոմոնյանը, տեղեկացնում է News.am-ը։
ПОСЛЕДНИЕ ОТ АВТОРА
-
2024-04-26 14:23
Член группы «Альтернативные проекты» Ваге Ованнисян пишет:
-
2024-04-26 13:50
В Вашингтоне по случаю 109-й годовщины Геноцида армян Комитет «Ай дата» США провел ежегодный Марш справедливости.
-
2024-04-26 13:47
Христианские лидеры Британии направили письмо правительству с призывом признать Геноцид армян. Об этом сообщает «Cruxnow», цитируя статью Чарльза Колинза.
-
2024-04-26 13:45
Армения выдвинула трех кандидатов на должность судьи в Европейском суде по правам человека.