2022-02-04 14:04
Информагентства
Միջազգային հարաբերությունների վերաբերյալ համատեղ հայտարարություն են ստորագրվել
Ռուսաստանի նախագահ Վլադիմիր Պուտինն ու Չինաստանի նախագահ Սի Ցզինպինը համատեղ հայտարարություն են ստորագրել նոր դարաշրջան թևակոխող միջազգային հարաբերությունների և գլոբալ կայուն զարգացման վերաբերյալ։
«Ռուսաստանը և Չինաստանը դեմ են ընդհանուր հարակից շրջաններում անվտանգության ու կայունության խաթարմանն ուղղված արտաքին ուժերի գործողություններին, մտադիր են ցանկացած պատրվակով դիմակայել արտաքին ուժերի միջամտությանն ինքնիշխան երկրների ներքին գործերին, դեմ են «գունավոր հեղափոխություններին» և կխորացնեն համագործակցությունը վերը նշված ոլորտներում»,- ասված է երկու երկրների ղեկավարների հայտարարության մեջ։
«Կողմերը կարծում են, որ Միջին հեռահարության միջուկային ուժերի պայմանագրից Միացյալ Նահանգների դուրս գալը, ցամաքային միջին և փոքր հեռահարության հրթիռների հետազոտման և մշակման արագացումը, ինչպես նաև Ասիա-Խաղաղօվկիանոսյան և Եվրոպական տարածաշրջաններում դրանք տեղակայելու ցանկությունը, ինչպես նաև դրանց փոխանցումն իրենց դաշնակիցներին, լարվածության և անվստահության աճի են հանգեցնում, մեծացնում են միջազգային և տարածաշրջանային անվտանգության ռիսկերը, սպառազինությունների չտարածման և վերահսկման միջազգային համակարգի թուլացման են հանգեցնում՝ խաթարելով համաշխարհային ռազմավարական կայունությունը։ Կողմերը կոչ են անում ԱՄՆ-ին դրականորեն արձագանքել ռուսական նախաձեռնությանը և հրաժարվել Ասիա-խաղաղօվկիանոսյան տարածաշրջանում և Եվրոպայում ցամաքային միջին և փոքր հեռահարության հրթիռներ տեղակայելու պլաններից: Կողմերը կշարունակեն պահպանել շփումները և ամրապնդել համակարգումն այս հարցում։
Չինական կողմը ըմբռնումով է մոտենում և աջակցում է Ռուսաստանի Դաշնության կողմից Եվրոպայում երկարաժամկետ իրավական պարտադիր երաշխիքների ձևավորման վերաբերյալ առաջարկներին։
Կողմերը նշել են, որ ԱՄՆ-ի կողմից սպառազինությունների վերահսկման ոլորտում մի շարք կարևոր միջազգային պայմանագրերի չեղարկումը չափազանց բացասաբար է ազդում միջազգային և տարածաշրջանային անվտանգության և կայունության վրա։
Կողմերը մտահոգություն են հայտնել գլոբալ հակահրթիռային պաշտպանության զարգացման և դրա տարրերն աշխարհի տարբեր տարածաշրջաններում տեղակայելու ԱՄՆ ծրագրերի առաջխաղացման կապակցությամբ:
Կողմերը ընդգծել են տիեզերքի խաղաղ նպատակներով օգտագործման կարևորությունը, վճռականորեն աջակցում են ՄԱԿ-ի Տիեզերքի խաղաղ օգտագործման կոմիտեի կենտրոնական դերին՝ միջազգային համագործակցության խթանման, տիեզերական միջազգային իրավունքի և տիեզերական գործունեության ոլորտում կանոնակարգման պահպանման նպատակով:
Ռուսաստանը և Չինաստանը կշարունակեն զարգացնել համագործակցությունը փոխադարձ հետաքրքրություն ներկայացնող այնպիսի թեմաների շուրջ, ինչպիսիք են տիեզերական գործունեության երկարաժամկետ կայունությունը և տիեզերական ռեսուրսների ուսումնասիրությունն ու օգտագործումը: Կողմերը դեմ են առանձին պետությունների՝ տիեզերական տարածությունը զինված դիմակայության ասպարեզի վերածելու փորձերին, վերահաստատում են իրենց մտադրությունը՝ գործադրել բոլոր անհրաժեշտ ջանքերը՝ արտաքին տիեզերքի զինագործումը և սպառազինությունների մրցավազքը կանխելու համար: Նրանք կհակազդեն տիեզերքում ռազմական գերազանցության հասնելուն և այն մարտական գործողությունների համար օգտագործմանն ուղղված քայլերին, տեղեկացնում է News.am-ը։
ПОСЛЕДНИЕ ОТ АВТОРА
-
New2025-04-22 12:37Служба нацбезопасности Армении на запрос Sputnik Армения не стала комментировать закрытие официальных сайтов Нагорного Карабаха.
-
New2025-04-22 12:35Спикер парламента Армении Ален Симонян на заседании Национального Собрания 22 апреля спровоцировал массовую потасовку между депутатами от оппозиционного блока «Армения» и правящей партии «Гражданский договор».
-
New2025-04-22 12:31Год назад Армения и Европейский союз объявили о начале работы над новой повесткой дня партнерства Армения-ЕС, установив более амбициозные совместные приоритеты сотрудничества на всех уровнях, без дополнительных конкретных подробностей. Во всей этой информационной шумихе, распространяемой ГД и пашиняновскими пропагандистами, самым важным было то, что в Брюсселе в связи с этим четко подчеркнули, что эта новая повестка дня не связана с процессом вступления Армении в Европейский Союз.
-
New2025-04-22 10:56Трагические события сентября 2023 года в Нагорном Карабахе, приведшие к полному исходу армянского населения, остаются предметом жарких споров и взаимных обвинений между властями и оппозицией Армении. Каждая из них обвиняет противоположную сторону в утрате Арцаха и этнических чистках.