2022-02-07 19:54
Информагентства
0
ՍԴ-ն վաղը քննելու է ընդդիմադիր պատգամավորների դիմումը
Սահմանադրական դատարանը վաղը ՝փետրվարի 7-ին, քննելու է ՀՀ Ազգային ժողովի պատգամավորների ընդհանուր թվի առնվազն մեկ հինգերորդի դիմումի հիման վրա` «ՀՀ դատական օրենսգիրք» սահմանադրական օրենքի 80-րդ հոդվածի 9-րդ մասի և 86-րդ հոդվածի 2-րդ մասի՝ Սահմանադրությանը համապատասխանության հարցը որոշելու վերաբերյալ գործը։ Այս մասին News.am-ը տեղեկացավ Սահմանադրական դատարանի պաշտոնական կայքից։
Ըստ «ՀՀ դատական օրենսգիրք» սահմանադրական օրենքի՝ Ազգային ժողովի կողմից որպես Բարձրագույն դատական խորհրդի անդամ չի կարող ընտրվել այն անձը, որն ունի սույն օրենսգրքով դատավոր նշանակվելու համար սահմանված որևէ սահմանափակում:
News.am-ի հետ զրույցում դիմումատու, «Հայաստան» խմբակցության պատգամավոր Արամ Վարդևանյանն ասաց, որ ըստ իրենց դիմումի, ԲԴԽ իրավաբան-գիտնականները պետք է լինեն 65 տարեկանից ցածր, ինչպես դատավորների դեպքում է։
«ԲԴԽ-ն դատավորների դեմ կարգապահական վարույթներ քննելիս կամ հենց վերջերս, երբ անձեռնմխելիության հարցը քննում էր, հանդես է գալիս որպես դատարան։ Ցանկացած անձը, երբ դիմում է դատարան, ակնկալում է, որ իր դատավորը չի կարող լինել 65 տարեկանից բարձր, դա ամրագրված է Սահմանադրությամբ։ Բայց երբ դատավորն է ակնկալում արդար դատաքննություն, ստացվում է, որ նույն ակնկալիքը պետք է չունենա, եթե առաջնորդվենք այն մեկնաբանությամբ, որը տեղի ունեցավ ԱԺ 7-րդ գումարման կողմից, երբ Գագիկ Ջհանգիրյանն ընտրվեց ԲԴԽ անդամ որպես իրավաբան-գիտնական։ Հոդվածներից մեկը հստակ նախատեսում է, որ դատավորի համար նախատեսվող պահանջները, այդ թվում՝ լիազորությունների դադարման, տարածվում են նաև իրավաբան-գիտնականների վրա։ Ժամանակին որպես հակափաստարկ այդ պնդման, ներկայացվում էր այն, որ Գագիկ Հարությունյանը ևս ԲԴԽ անդամ էր ընտրվել՝ լինելով 65 տարեկանից բարձր։ Գագիկ Հարությունյանի դեպքում նախատեսված անցումային դրույթ կար ԲԴԽ-ի առաջին կազմի ձևավորման վերաբերյալ»,- նշեց Արամ Վարդևանյանը և հավելեց, որ Գագիկ Ջհանգիրյանն անցել է ընդհանուր դրույթների հիման վրա։
Վարդևանյանը նաև նշեց՝ ինքը ՍԴ պաշտոնական կայքի շնորհանդեսին հրապարակված լուսանկարներում տեսել է, որ ՍԴ նախագահի կողքին նստած է եղել Գագիկ Ջհանգիրյանը. «Երբ գիտես, որ կոնկրետ անձի պաշտոնը գտնվում է ՍԴ-ի վարույթում, այդ անձին չեն հրավիրում կայքի շնորհանդեսին։ Ինչևէ, գուցե դա որևէ նշանակություն չի ունենում»։
ПОСЛЕДНИЕ ОТ АВТОРА
-
New2024-04-20 14:19Российские пограничники будут выведены из Тавушской области Армении. Об этом заявил Никол Пашинян в беседе с журналистами.
-
New2024-04-20 13:27В настоящее время близ школы села Киранц проводят замер территории с целью строительства в дальнейшем дороги. Об этом сообщил в беседе с Yerevan.today депутат фракции «Айастан» Гарник Даниелян, который находится в Тавуше.
-
New2024-04-20 13:27Передача Армении и нашей цивилизации варварам, что пытаются преподнести как «достижение», это процесс превращения реальной Армении в историческую, считает завкафедрой иранистики факультета востоковедения ЕГУ Вардан Восканян.
-
New2024-04-20 12:36Это не проблема Воскепара, Киранца или Баганиса, это судьбоносное проявление жизни Армении. Об этом в беседе с Новости Армении-NEWS.am заявил предстоятель Тавушской епархии архиепископ Баграт Галстанян, который всю ночь провел в Баганисе вместе с местными жителями.
