2022-02-08 11:39
Информагентства
Պուտինն ու Մակրոնը քննարկել են Ղարաբաղը
Ռուսաստանն ու Ֆրանսիան վերահաստատել են ԵԱՀԿ Մինսկի խմբի համանախագահների աշխատանքի կարևորությունը Լեռնային Ղարաբաղում խնդիրների լուծման համար, հայտարարել է ՌԴ նախագահ Վլադիմիր Պուտինը ֆրանսիացի գործընկեր Էմանուել Մակրոնի հետ բանակցություններից հետո, հայտնում է Կրեմլի մամուլի ծառայությունը։
«Լեռնային Ղարաբաղի շուրջ ստեղծված իրավիճակը դիտարկելիս նշեցինք ռուս խաղաղապահների դրական դերը, որոնք ապահովում են հրադադարի պահպանումը և օգնում խաղաղ կյանքի հաստատմանը։ Մենք վերահաստատեցինք ԵԱՀԿ Մինսկի խմբի համանախագահների գործունեության կարևորությունը, այդ թվում՝ տարածաշրջանում հրատապ հումանիտար և սոցիալ-տնտեսական խնդիրների լուծման գործում։ Ֆրանսիայի նախագահը տեղեկացրել է Եվրոպական խորհրդի նախագահ պարոն Միշելի հետ Ադրբեջանի նախագահի և Հայաստանի վարչապետի հետ վերջերս կայացած իր համատեղ տեսաժողովի արդյունքների մասին»,- ասել է Պուտինը, տեղեկացնում է News.am-ը։
Ֆրանսիայի նախագահն իր հերթին նշել է, որ բանակցությունների ընթացքում խոսվել է մի շարք այլ հարցերի մասին, մասնավորապես՝ Հայաստանի և Ադրբեջանի միջև հակամարտության. «Այստեղ ուզում եմ իմ ուրախությունը հայտնել, որ այսօր առավոտյան ազատ է արձակվել ութ բանտարկյալ։ Մեր ֆրանսիական ճգնաժամային կենտրոնն ինքնաթիռ է տրամադրել նրանց տեղափոխման համար։ Անցած ուրբաթ նախագահներ Ալիևի և Փաշինյանի հետ տեսակապի միջոցով մամուլի ասուլիս հրավիրեցինք, որի ընթացքում բարձրացվեցին անհայտ կորածների, փախստականների և մի շարք այլ հարցեր, որոնք նույնպես կայունության տարրեր են։ Նախագահ Պուտինի հետ մեր բանակցությունների ընթացքում մենք համատեղ տեսակետներ հայտնեցինք մի շարք հարցերի շուրջ։ Կցանկանայի ողջունել ձեր զինվորականների դերը սահմանին Հայաստանի և Ադրբեջանի համար դժվարին ժամանակաշրջանում։ Նաև Մինսկի կոմիտեի առկա պայմանավորվածությունների շրջանակներում թե՛ Ֆրանսիան, թե՛ Ռուսաստանը համապատասխան դերակատարում ունեն»։
ПОСЛЕДНИЕ ОТ АВТОРА
-
New2025-06-03 11:46Варварская бакинская администрация усиливает антиармянские настроения, угрожая безопасности Армении, считает заведующий Кафедрой иранистики факультета востоковедения ЕГУ Вардан ВОСКАНЯН.
-
New2025-06-03 11:43Отставка начальника полиции Армении Арама Ованнисяна может быть связана с недовольством премьер-министра Никола Пашиняна организацией безопасности в день празднования его 50-летия. Об этом пишет газета "Грапарак".
-
New2025-06-03 11:40Руководитель офиса Владимира Зеленского Андрей Ермак вылетел в США. Об этом пишет "СТРАНА.ua".
-
New2025-06-03 11:39Соединенные Штаты закрыли две военные базы в Сирии и передали еще одну под контроль курдских "Сирийских демократических сил" (СДС) в рамках постепенного сокращения военного контингента. Об этом сообщил представитель Пентагона в интервью телеканалу Al Arabiya. Его слова приводит ТАСС.