Դավիթ Տոնոյանը շարունակում է պահանջել բաց և հրապարակային դատավարություն
ՀՀ պաշտպանության նախկին նախարար Դավիթ Տոնոյանի փաստաբանական խումբը հայտարարություն է տարածել: «Արմենպրես»-ի փոխանցմամբ՝ հայտարարության մեջ, մասնավորապես, նշված է, որ Դավիթ Տոնոյանը շարունակում է պնդել և պահանջել բաց և հրապարակային դատավարություն:
«Հայտնում ենք, որ Դավիթ Տոնոյանի և մյուս անձանց վերաբերյալ քննվող քրեական գործով 04.02.2022թ. նշանակված առաջին իսկ դատական նիստը չի կայացել և անորոշ ժամկետով հետաձգվել է ազատության մեջ գտնվող դատավարության մասնակիցների, ինչպես նաև նախագահող դատավորի վատառողջության պատճառով:
Միաժամանակ հայտնում ենք, որ Դավիթ Տոնոյանը շարունակում է պնդել և պահանջել բաց և հրապարակային դատավարություն, որը դռնփակ ռեժիմով է անցկացվում դատավոր Մանվել Շահվերդյանի անհիմն որոշմամբ՝ մասնագիտական առումով պետական և ռազմական գաղտնիք հասկացություններին առհասարակ չտիրապետելու պատճառով: Հաստատապես շարունակում ենք պնդել, որ քրեական գործի նյութերում չկան պետական և ռազմական գաղտնիք պարունակող տեղեկություններ, որոնք կրում են «հույժ գաղտնի» դրոշմը, իսկ հետազոտվելիք նյութերը առավելապես ծառայողական գաղտնիք պարունակող նյութեր են: Դատավորն իր որոշումը կայացնելուց առաջ որևէ միջոց անգամ չի գործադրել համապատասխան գերատեսչությունից պարզելու՝ քրեական գործում առկա է արդյո՞ք օրենքով պահպանվող գաղտնիք, թե ոչ, իսկ այդ նյութերի մեծ մասը որպես ծառայողական գաղտնիք դասելու նախաձեռնող-հեղինակը եղել է հենց Դավիթ Տոնոյանը:
Հայտնում ենք նաև, որ մինչ օրս վերաքննիչ քրեական դատարանում մեր կողմից Դավիթ Տոնոյանին շարունակական կալանքի տակ պահելու մասին որոշման դեմ ներկայացված բողոքը որևէ դատավորի չի մակագրվել, բողոքի քննության օր նշանակված չէ, որը հայտնի լինելուն պես լրացուցիչ կտեղեկացնենք»,- գրված է հայտարարության մեջ:
ПОСЛЕДНИЕ ОТ АВТОРА
-
2024-09-23 12:23
Мэр Еревана Тигран Авинян потребовал ускорить внедрение системы бесконтактной оплаты в общественном транспорте. На рабочем совещании в понедельник он выразил недовольство темпами перехода к единой системе оплаты.
-
2024-09-23 12:20
Председатель Комитета государственных доходов Армении Рустам Бадасян принял на КПП «Маргара» послов стран Евросоюза.
-
2024-09-23 12:15
Суд над бывшим президентом Армении Робертом Кочаряном и еще тремя бывшими высокопоставленными лицами - Арменом Геворкяном, Юрием Хачатуровым и Сейраном Оганяном, возобновился в Антикоррупционном суде. Сам Кочарян в суд не пришел.
-
2024-09-23 11:41
«В эти сентябрьские дни 2023-го года в Арцахе произошел один примечательный эпизод, который предметом особых обсуждений в те дни не стал», - пишет секретарь оппозиционной фракции НС РА «Честь имею» Тигран Абрамян