2022-02-08 14:22
Информагентства
Արմեն Չարչյան․ Արդեն կարող եմ աշխատանքի գալ
Պրոֆեսոր, «Հայաստան» խմբակցության պատգամավոր Արմեն Չարչյանն իր կալանավորումը բացարձակ ապօրինություն է համարում, որը 2 փաստաթղթով հաստատվել է։ Չարչյանը լրագրողների հետ զրույցում նման կարծիք հայտնեց` հավելելով, որ դա հաստատել է ինչպես Սահմանադրական դատարանը, այնպես էլ միջգերատեսչական բժշկական հանձնաժողովը։
«Չնայած քայլելը մի փոքր դժվար է ինձ համար, բայց առողջական վիճակս բարելավել է, և արդեն կարող եմ աշխատանքի գալ։ Բայց ԱԺ աշխատանքն ինձ համար առաջնահերթություն չէ` առաջնահերթ ինձ համար բժշկությունն է։ Բժշկության մեջ գիտական աշխատանքներով եմ զբաղվել այս ընթացքում, ինչպես նաև ԵՊԲՀ-ի վնասվածքաբանության և օրթոպեդիայի բաժնի աշխատանքներով»,–ասաց Չարչյանը։
Նրա խոսքով` իր քաղաքացիական դիրքորոշումը և մտածելակերպը որևէ փոփոխության չի ենթարկվել` կալանավորումը որևէ ազդեցություն չի ունեցել իր հայացքների վրա:
Նկատառմանը, թե մամուլում շատ են գրում, որ իշխանությունը պայման է դրել, թե մանդատը վայր դնելու դեպքում նրա նկատմամբ քրեական հետապնդումը կդադարեցվի, Չարչյանն արձագանքեց, որ իշխանությունների հետ որևէ կապ ո՛չ ուղղակի, ո՛չ էլ քողարկված չի ունեցել, իշխանություններն էլ չեն փորձել որևէ կերպ կապի դուրս գալ իր հետ: Այդ ամենը, ըստ նրա, մտացածին հերյուրանքներ են:
«Այս ամենին ես պատասխանել եմ Մարկ Տվենի խոսքերով. «Իմ մահվան մասին լուրերը չափազանցված են»: Իմ երազանքն է վերադառնալ վիրահատարան, ես իմ վիրահատարանի գահից իջել եմ, նստել եմ այս հասարակ կարմիր աթոռներին միայն մեկ նպատակով, որ կարողանամ ավելի բարեկեցիկ երկիր կառուցելու վրա ազդեցություն ունենամ։ Երբ իրավիճակը, այս ամենը կհարթվի, ես հաճույքով կվերադառնամ վիրահատարան»,–խոստացավ պրոֆեսորը։
Լրագրողների հարցին՝ մտավախություն չունի՞, որ կարող են նոր քրգործ հարուցել, Չարչյանը պատասխանեց, թե մտավախություն բառի մեջ կա վախ բառը։ Նա հիշեցրեց` երբ այրվող ինքնաթիռից վիրավոր հիվանդ է հանել, այդ ժամանակ էլ վախ չի ունեցել։
Չարչյանը հավելեց, որ ազատության մեջ հայտնվելուց հետո որևէ քաղաքական ճնշման չի ենթարկվել, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-07-28 18:18Пожар вспыхнул на крупнейшей в Армении свалке "Нубарашен". Огонь охватил площадь до 1 тыс. кв. м. Боевые расчеты Спасательной службы МВД Армении ведут работу по ликвидации пожара. Об этом и.о. директора ООО "Новая городская мусорная свалка Еревана" Ваге Вардапетян сообщил Sputnik Армения.
-
New2025-07-28 18:17Президент США Дональд Трамп заявил, что необходимо позаботиться о гуманитарных потребностях в секторе Газа, передает Sky News.
-
New2025-07-28 18:15Защита предпринимателя Самвела Карапетяна направила письма в прокуратуру и лично генпрокурору Анне Вардапетян с ходатайством об изменении меры пресечения бизнесмену. Об этом говорится в сообщении одного из адвокатов бизнесмена Арама Вардеваняна.
-
New2025-07-28 18:14Представители Армении завоевали 1 золотую и 2 бронзовые медали на 36-й международной олимпиаде по биологии на Филиппинах. Об этом сообщает министерство образования, науки, культуры и спорта Армении.