Սաղաթելյան․ Դատարանները դարձել են Նիկոլի բռնապետությունը հաստատելու բութ գործիք (ՏԵՍԱՆՅՈՒԹ)

Փաստաբանները շատ հստակ տվեցին բոլոր այն հիմնավորումներ, որ Գորիսի համայնքապետ Առուշ Առուշանյանին կալանքի տակ պահելը որևէ հիմնավորում չունի: Այս մասին, այսօր՝ փետրվարի 8-ին, դատարանի շենքի մոտ լրագրողների հետ զրույցում նշեց ԱԺ փոխխոսնակ Իշխան Սաղաթելյանը:

«Նույնիսկ գրավի առաջարկ արեցին փաստաբաններըԼ: Այստեղ մնում է այն, թե դատավորը կենթարկվի՞ հերթական ճնշումներին, թե ոչ, կիրականացնի արդարադատություն, թե ոչ: Այդ ակնկալիքը միշտ կա, բայց վերջին դեպքերն ակնհայտ են դարձնում, որ Հայաստանում դատարանները, առհասարակ ուժային կառույցները դարձել են բութ գործիք Նիկոլի բռնապետությունը ՀՀ-ում հաստատելու համար: Այսօր անկախ դատավորներին դատում են միայն նրա համար, որ իրենք ընդդիմադիրներին ապօրինի չեն դատում: Սա խայտառակությունը և միջազգային հանրությունն ու իրավապաշտպան կառույցները լուռ հետևում են այս իրավական բեսպրեդելին, այս խայտառակությանը: Բնականաբար, մենք պայքարելու ենք այս ամեն ինչի դեմ, սա մեր երկիրը վերջնական տանելու է մեր երկրի կորստին»,-ասաց նա, տեղեկացնում է News.am-ը:

Սաղաթելյանը հյտարարեց, որ իր տպավորությամբ այս իշխանությունը բոլորին ձեռնտու է, բացի հայերից. «Ամեն գնով իրենց իշխանությունը պահելու համար իրենք պատրաստ են ցանկացած քայլի: Եթե դատական համակարգում մնացել են մի քանի դատավորներ, պետք է նրանց կալանավորեն, խեղճացնեն, հեռացնեն համակարգից, իրենց հլու հնազանդ կատարողներին դնեն»: