2022-02-09 20:07
Информагентства
0
ՄԱԿ-ի գլխավոր քարտուղարն ասել է` որ դեպքում կավարտվի կորոնավիրուսի համավարակը
Պատվաստանյութերի բաշխման անհավասարությունը մեծ սխալ է, բայց ջանքերը միավորելու դեպքում աշխարհը կկարողանա վերջ տալ COVID-19–ի համավարակին: Այս հայտարարությունն արել է ՄԱԿ-ի գլխավոր քարտուղար Անտոնիո Գուտերեշը՝ ելույթ ունենալով ACT-Accelerator ծրագրի համար գումար հանգանակելու միջոցառման բացմանը։ Տեղեկությունը հայտնում է ՌԻԱ Նովոստին։
«Պատվաստանյութերի բաշխման անհավասարությունը մեր ժամանակի ամենամեծ բարոյական սխալն է։ Բայց լավ նորությունն այն է, որ վերջերս գրանցված առաջընթացը ցույց է տալիս, որ մենք կարող ենք հասնել ցանկալի արդյունքի, եթե միավորենք ռեսուրսները», - ասել է նա։
Գուտերեշի խոսքով՝ բոլոր երկրների ջանքերի միավորումը և ավելի հարուստ երկրների կողմից ACT-Accelerator ծրագրի ֆինանսավորումը կօգնի հենց այս տարի հաղթահարել COVID-19 համավարակը։
Առողջապահության համաշխարհային կազմակերպությունը կոչ է արել հարուստ երկրներին լրացուցիչ 16 մլրդ դոլար հատկացնել ACT-Accelerator ծրագրի համար:
Այդ գումարները թույլ կտան ACT-Accelerator-ին ստեղծել պատվաստանյութերի 600 միլիոն դեղաչափով բանկ, 700 միլիոն թեստ և 120 միլիոն պացիենտի համար նախատեսված դեղամիջոցներ գնել, ինչպես նաև անհատական պաշտպանության միջոցներ տրամադրել 1,7 միլիոն բուժաշխատողի, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
2024-11-25 19:43Президент Республики Польша прибыл в Республику Армения.
-
2024-11-25 19:41После долгого перерыва ансамбль «Voices of Artsakh» представил цикл новых песен.
-
2024-11-25 19:39Генпрокуратура Азербайджана возбудила уголовное дело в отношении военного эксперта Адалята Вердиева за съемку позиций на границе с Арменией.
-
2024-11-25 19:38Депутат парламента Армении от правящей фракции "Гражданский договор" Овик Агазарян заявил Sputnik Армения, что ему нужно дополнительное время, чтобы решить вопрос со своим мандатом.